أدخلي وأدعي لأختي لربما أتاكِ يوما واحتجتي دعواتنا..

السلام عليكم ورحمةالله وبركاته

كيفكم خواتي حوائيات رجعت لكم بعد طول غياب عن المنتدى
لكن رجعت لكم وأنا محتاجتكم ومحتاجه دعواتكم .. بنات أختي
قدر الله عليها وصابتها جلطه دماغيه وهي هالحين في العنايه المركزه
وعايشه ع التنفس الاصطناعي وحالتها في تدهور..تكفون بنات تكفوووون
عيدنا أمس عزا دعواتكم الصادقه لها لعل الله يستجب لدعائكن
أولادها يكسرون الخاطر وبنتها امس تبكي وتقول العيد هذا
مو عيدي انا عيدي بس تطلع أمي..كسرت قلبي اكثر خصوصا انها صغييره
لها تسع سنوات وتشيل كل هالألم بقلبها..تكفون بنات لاتنسونها بصلاتكم
والصايمه بوقت افطارها..

أختي لها خمس أطفال بنتين وحده عمره تسعه والثانيه ثمانيه
وثلاث أولاد والكبير له سبع سنوات والثاني له خمسه اما الأخير
ف عمره سنه...صدمه صح أختي صغيره وأطفالها مايقدرون يشيلون انفسهم
الله يشفيها ويردها لنا ونفرح بشوفتها وهي بأتم صحه وعافيه..


سؤال بنات من تعرف احد مثل حالت اختي وتشافى
يعني هل فيه أمل انها تعدي من هالجلطه خصوصا
إنها جلطه مو بسيطه....



ولي طلب ثاني من أي وحده من كبار الشخصيات(الأميرات او عندهن واسطه)الموجوده بالمنتدى
او تعرف لها احد منهم تساعدني بنقل أختي بإخلاء طبي لمستشفى العسكري
بالشرقيه..تخيلي إنها أختك وش بتسوين ؟'
(اقدم لها روحي هديه)خلاص انا مثلك اقدم لها عمري
أنا مابي فلوس مابي ارض مابي شي من الدنيا ابي بس أخلاء طبي يساعد
أختي بعد الله بالشفاء...

وقفن معي تكككككككككككفن فقدت ابوي وإثنين من أخواني خلال سنه مو قادره حتى افكر
أني افقد أختي بعد



حد يوصل صوتي لفاعلين الخير الله يخليكم.