ماشاء الله عليكم وعلى افكاركم الرائعة
واشكرك أختي الغالية أم يزيد على طرح الموضوع الرائع والمفيد

بالنسبة لمعلمة التحفيظ
**ممكن في بداية الحصة تختار المعلمة وحده من البنات وتجعلها تختار وحده من البنات تقول فائدة اليوم وتكتبها على السبورة ..
**ممكن تكتب اسماء طالباتها في ورق صغيرة وتضعها في سلة وتحضرها يوميا وتسحب ورقة والبنت الي يطلع اسمها تقول فائدة من الآيات الي حفظوها في اليوم السابق طبعا تسحبي كذا ورقة في اليوم .هذه الطريقة تجعل البنات يتدبروا الآيات أكثر وينتبهوا لتفسير الآيات
**ممكن تقسيمهم الى كذا مجموعة يعني مثلا ثلاث مجموعات وكل يوم تضعين درجات : درجتان للمجموعة الأفضل ودرجة للثانية وصفر للأخيرة . وتوضع الدرجات حسب الأفضلية سواء في الأكثر حفظا أودرجات الاختبار أو في المسابقات كل شيء ضعي له درجات واجمعيها في آخر الشهر والمجموعة الأكثر درجات لها مكافئة .. وممكن كل شهر تغيري البنات في كل مجموعة..
**عمل مسابقات \ والأفضل أن تقسمي الطالبات الى مجموعتين أو أكثر حتى يحصل تنافس بينهم
ممكن تكتبي الأسئلة في أوراق وكل مجموعة تسحب ورقة والأسئلة تكون عن مايأخذونه في التحفيظ . كأن تذكر آيه وتسألهم من أي سورة ثم تطلب منها تكملة الآيه ... أو مثلا سورة من جزء كذا تبدأ بحرف كذا . وممكن تجعلي الي تجاوب تقرأ شيئا من هذه السورة

ولازم تذكرهم من فترة لفترة بفضل حفظ القران وباحتساب الاجر وسرد قصص عن بعض من حفظوا القران وتحملو بعض المشاق ومن كانت لهم عزيمة وهمة عالية في حفظ القران

وبالنسبة لمعلمة الأطفال
ممكن تطلب منهم كل يوم قراءة آية من القران من غير السور الي يحفظوها أو تطلب منهم حديث عن النبي
يعني تسأل مين حافظة شيء من هذا والي حافظة تطلعها وتخليها تقرأه أمام البنات والي تطلع أكثر شيء في الأسبوع لها مكافئة بسيطة أو حتى فقط تطلب منهم ذكر سنة كان يفعلها النبي ..والبنت الي ابدا ما تجاوب قولي لها أسألي أهلك علشان بكرة تجاوبي ..
طبعا هذا يشجعهم على حفظ شيء من القران والحديث

هذه بعض الأفكار وإذا جاء شيء في بالي بإذن الله سأعود وأكتبه
أتمنى أكون اضفت شيء مفيد لكم وبالتوفيق ..

ياليت كل العضوات يشاركونا بأفكارهم ولو بفكرة بسيطة وجزاكم الله خيرا

جزاك الله خير أخيتي قاهرة الصعاب ووفقك الله لما يحب ويرضى وكلامك درر ما شاء الله عليك والله

يوفق كل وحده أدلت بدلوها وأفادتنا

بطرق جديده وساهمت في نفع الغير ومساعدة الأخريات

فيه طريقة حلوه لكي يتقبلون الدرس بشغف وحماس وهي طريقة التشويق تشوقينهم عشان

يتفاعلون معاك

أمس أول ما دخلت عليهم قلت لهم يالله نسمّع بسرعه عشان نخلص بدري اذا خلصنا بدري راح أسوي لكم

مفاجئة واذا تأخرتوا

ماعندي لكم شي قالوا يالله نسمع وما شاء الله عليهم والله انهم أول مره يخلصون مثل هالوقت صاروا بسرعه يتنافسون وكل وحده

تبي تسمع قبل زميلتها يوم خلصنا قلت لهم أبا أسألكم وجاوبوني قالوا تفضلي قلت تبون ناخذ درس اليوم أو ما تبون قالوا ودنا اليوم

نريح فقلت لهم خلاص يالله ننزل بقاعة المحاضرات تحت ( رحلة خارج الفصل) نغير جو ونستعيد

نشاطنا

لو تشوفون وش زينوا تشققوا من الفرحة نزلنا وسوينا جلسة أخويه أشوي سواليف ومناقشات في بعض الاشياء وبدوا يفضفضون عن

ما يحصل لهم في المدرسة الصباح مع زميلاتهم ومعلماتهم ويستشيرون في بعض الأشياء وعطيتهم بعض التوجيهات وبعد المناقشة

قلت أبا أسألكم سؤال وصاحبة أزين اجابه لها جائزه الآن

السؤال: من خلال دراستك في تحفيظ القرآن ماذا استفدتي؟

تنوعت اجاباتهم وكانت كل وحده أحسن من الثانية ثم علقت قليلا ثم عملت قرعة والي خرج اسمها لها جائزه

وكانوا فرحين جدا ومبسوطين وقليل غيابهم حتى انهم يقولون لي بالمدرسه الصبح كسل بس المعلمات يهاوشوننا

فالمعلمة الناجحة ليست من تدخل على الطالبات وتعطيهن الأوامر وتشرح الدرس وتخرج لا إنما

المعلمة هي معلمة ومربية وقدوة في



وقت واحد قدوة في كلامها ...قدوه في حركاتها.... قدوه في لبسها.... قدوة في تعاملها .....قدوه في تواضعها ......قدوه في كل شي

فلا تجعل المعلمة تعليمها مقتصر على منهج معين أو تخصص معين لا بل تكون قريبة من الطالبات تسمع مشاكلهن وتسعى لحلها

السلام عليكم انا يا جماعة الحمد لله ختمت القران مع التجويد من سن العاشرة واقرا بحفص جيدا انا اريد ان اختم القران بحفص علي احد معه اجازة حتي استطيع ان اتعلم فراءة اخري ارجوكم دلوني لان الموضوع هام جدا وانا الحمدلله بدات احفظ 3 من اصحابي وان شاء الله هيزداد العدد:)

ما شاء الله عليك الله يثبتك

تبين أحد معه اجازه تبي تقرين عليه بالنت؟

جزاك الله خير اختي ام يزيد و بارك الله في جهودك في هذا القسم المبارك و لا حرمك الله الاجر و المثوبه

انا صراحة ماعني افكار شخصيا لكن عندي افكار كانوا طالبات التطبيق يسوونها علينا ايام المتوسط و الثانوي

مثلا : تقولي للبنات كل وحده تمسك ورقة و قلم و تكتب عن علاقته بالقرآن يعني هل هي تحفظ او بس تقرا و كيف طريقته
يعني مل تختصر مرة و لا تفصل تفصيل ممل و تكتب لها اسم مستعار تحت و ما فيه احد يكتب اسمه
وبعدين تجمع الاوراق و من خبرتك تناقشينها معاهم كل ورقة على حده و بما ان الاسماء مستعارة و ليست حقيقية
تآخذين راحتك معاهم و ما يصير في اية حواجز ...

اتمنى اكون افدتك و إن شاءالله إذا عطانا الله عمر و شفت نفسي مدرسة بعد كم سنة ابسوي هالطريقة
الله ينجحني و يوفقني آمين و اياك