أدخلي وجاوبي بصراحه ........

موضوع رائع ولكن ان اجبت ستتقلب المواجع فااسفة جدا عن الاجابه !!

اسئله حلوه ولي عوده بأذن الله

طيور الأحزان أنتي ألي جبتيه لنفسك هتحملي عاد هدرتي
* كم تخصصين وقت للأنترنت؟
أنا ماأفتحه ألا من ورى الساعه الواحده ليلا لانه الوقت ألي أكون فيه فاضيه ومرتاحه من الأزعاج وقفله قرب الساعه ثلاثه يعني ماأطول عليه .
* ماهي أجمل ذكرى لكي ؟ هي أيام خطوبة أختي وفرحتها بعريسها وسعدتها وتعب الي تعبناه معها بس كانت أيام لها قيمتها يمكن لأنها أول بنت تتزوج من عندنا فيمكن عشان كذا أحس أنها هذيك الأيام أجمل ذكرى ( وعقبال ميصير لي ذكرياتي الخاصه أنا ونتي كانك ماقد تزوجتي ياطيور هههههه أقصد نتزوج ونعيش أحلام وذكريات من جد .. لا كن سألته بعزته وجلاله يرزقنا جميع النصيب الطيب)
* ماهي أخر هديه وصلت لك؟ ومن مين ؟ أخر هديه من صيقة عمري وحياتي ولي لو طفت العالم ملقى بوفاها مقول ألا مثل ماأقولها دايم يبخت من خذاكي ( صداقه من ثاني أبتدائي ومزالت الى الأن ونحنا فلمرحله الجامعيه ولله الحمد والمنه وقايمه بينا الصداقه وكانها اختي واعز بس مفرقنا انها ببيت وأنا بيت فالجامعه سوى ونرد نسولف فالبيت على التلفون ههههه)
* ماذا تعني لكي الصداقه ؟ تعني الأخلاص والوفاء والصدق ومثل ماتحبين لنفسك حبي لصديقتك هذا لو الله وفق الواحد بصديقه مثاليه مثل صديقتي والحمد لله .
* حكمه أعجبتكي ؟ حكمت أبوي الشهيره أطال الله في عمره ألا وهي { أحفض مالك قليل يغانيك ولي كثير عند الناس ماجاك }
* ماذا تعني لكي الأسره؟ المكان الذي فيه تشعرين بالحريه في كل شي ، المكان الذي يحميك ويحتويك والذي نحنو بدونه لاشئ بالفعل .
* ماهو النجاح في نظرك ؟ النجاح هو عدم اليأس مهما حصل كل ماتفعلينه من أنجاز يعتبر نجاح النجاح ليس فقط فدراسه صحيح أنها مهمه ومهمه جدا لاكن كثيرات نجحن في دراستهن وفشلن مثلا في تربية أولادهن فالنجاح في وجهة نظري هو التوفيق بين كل شي فهذا النجاح الحقيقي .
* أذكري لنا أسوء لحظة حزن ذقتيها في حياتك؟ ااااه بس جينا لسأل ألي يبكي !!
أسوأ لحظة حزن هي لمن كنت في ثالث ثنوي وفي نهاية السنه الدراسيه يوم الكل يستنا نتايجه ألي على النت يبي طلع نتيجته ولي يستنا الجرايد وأنا كنت أستنا على الثنتين وبعدين جاتني الصدمه الكبيره (( طلعت راسبه فالرياضيات )) تقولين والله العظيم كأنك صبيتي مويه حاااااره علي ، وبعدين قفلت علي الباب يوم ونص ( هلي يحسبون أني ذبحت نفسي ) أبد صحيح بكيت بكيت بكيت ومن كثر مابكيت رقدت اليوم كله هههههههه، أما الصدمه اثانيه وهي الألعن فيهم عندنا بالكليه تفتيش كل يوم على الجولات الكمره أوكي هذا الشي عادي ، في يوم من الأيام أنا نسيت في شنطتي أفلام حقت كمره كنت حطتها فشنطه في نيتي أنه أذا مرينا بمحل تحميض الصور نعطيهم يحمضونها ، أنا البقره من جد رحت من صباح الله خير مستعجله ونسيت الأفلام فشنطتي المهم أنا واثقه من نفسي لأن ماجوالي كمره ، لما جات تفتشني هل دب ألي عند الباب فتحت السحاب الصغير ألي بجوا الشنطه وطلعت الفلم ، أقولكم أنا بغيت أن جن ، على طول قلت أفلام عائليه كنت أبي أحمضها ونسيتها بشنطه ، عاد هم كبرو السالفه ومن مدرسه في مدرسه وقسم لكم بالله تقولون أن هذي مسويه مصيبه ، أنتو لو تسمعون الكلام ألي يقولونه ، يقولون كيف تسمحين لنفسك بهل شي!!! المهم طلبو مني أكلم أبوي ولما دقيت عليه قلت له يبه الكليه يبونك تجي قال ليه سكت لأني كنت أبكي أخذت المدرسه التلفون ( حسبي الله عليها في هل يوم ) وقالت لبوي بنتك لقينا معها أفلام ونبغاك تجي نتفاهم ، قولي قالت افلام من هنا وبوي راحت أفكاره من تحت سرته ( أسفه بس تفكير الشيبان كذا !!) أبوي أتاريه قاعد بتلفون يترجها ويقولها أسترو علينا تكفون ومدري ايش ،، شيييييييي يقهر كأني مسويه منكر لأنها حسبي عليها مخلتني أوضح لأبوي وش من أفلام ألي معي؟؟
المهم جى الوالد ومنا منا كتبوني تعهد وهو كتب تعهد وخذيت الأفلام بعد موسطت مدرسات يعرفوني شخصيا،،،، ولحين المصيبه هنا لماطلعنا من الكليه طبعا ابوي يحسب الموضوع زي ماقلت لكم ،، وأنا على نيتي ضعيفه أحسب أنه فاهم ومستحيل يفكر فيني كذا ،، المهم يوم ركبنا السياره هم عطوه الفلم في ظرف والظرف معه لما ركبنا السياره على طول أنا قلت له هات الظرف !!!!!! شوفو موقف ابوي : قالي أي ظرف هاه ( ولطشني بيده فوجهي كف كف معتبر الله يسامحه ) أنا قلت بصوت عالي ليييييييييييه وش سويييييييت وهو يقولي فالبيت فالبيت يابنت الكلب!!!! وطول الخط وهو يقول جبتي العار ومدري ويش ،، أبوي لما يعصب أتوقع منه كل شي قلت فخاطري وأنا فسياره هذا ذابحني ذابحني دام هذا تفكيره ،، المهم يوم قربنا من البيت جنب سيارته وطلع عصاته ( والله العظيم يابنات أن هذا ألي صار معي ) ويالله هاتك ياضرب المشكله هو يضرب وأنا عيني فشارع لحد يشوفني وهو يضربني ( مسويه برستيجي ههههههه) المهم أحاول أفهمه راس جابسه وش تفهمين قمت نزلت من السياره وركض على بيتنا طبعا أبوي موقف سيارته فراس الشارع مو عند الباب لأنه لو دخلنا البيت يخاف مايبرد قلبه فضربي لأن أمي بتحامي علي قال أضربها هنا أحسن ‘ المهم وأنا جري فشارع أبي أروح البيت لحقني بسياره والله يبنات كان ناوي يدعسني ( هو لوجيتيو للحق معذور لأنه مو فاهم وش أفلامه وهو الله يهديه لايعرف يتفاهم خلاص ألي فراسه هو الصح ) المهم نقزت على الرصيف وهو مسسسسسسسسرع ودق الجرس كأني خبلا وهو راح مادخل البيت تدرون وين راح ؟؟؟؟ راح يحمض الصور يبي يشوف وشني عليه من مصيبه على قولته وأنا فالبيت علمت أمي بكلللللل السالفه وحلفت ماأكمل في هل كليه وأن ألي جاني من أبوي ما أنساه له ... بعد مرور ثلاث ساعات جى ابوي وطلع على غرفته يعني مامر الصاله لأنه عارف سواد الوجه ألي سواه لما حمض الصور طلعت صورنا ياأهل البيت عشان كذا ماله وجه يواجه أمي ،،، والله ولحقته فديت عمرها ودخلت عليه ، وهي مولعه وتقوله وأنا أتسمع من باب غرفتي : ليه تمد يدك على بنتي .. بنتي أشرف منك ومن عشره من أشكالك .. ابوي قاعد يقولها وطي صوتك وشوي الصور وش فيها قالت أمي من غير ماأشوفها ثقتي في بنتي في محلها مابيجي واحد مثلك شكاك يشككني فتربيتي يالي يالي ويالي ... ( وقاعده تعدد مامضى !!) وبوي يقولها لهل درجه واثقه فيها .......... المهم الله يسامحه تصفينى دخل علي الغرفه وقالي ليه يابنتي مافهمتيني وش ألي معك وخليتيني أتذلل لبنت الحرام وأقولها أستر يعلينا كانك مسويه مصيبه ..... قلت أنت يبوي ألي ماعطيتني فرصه ولا بالأصح أنت ماعندك ثقه في حد فكيف تثق في بنت مع أنها بنتك !!!!! ( بس لما بكى رحمته وعرفت أنه مسكين وقال أسألك بالله تنسين مصار مني وسامحيني يابوك ... قلت له يبوي أنا وجهي مداس لك من حقق تربيني لو كنت غلطانه بس ألي يضيم يبه الظلم الظلم شين يابوي ) المهم صرنا كما كنا .. وهل سالفه قريبه ماهي بعيده ..... وهذي هي أكبر حزن مريته في حياتي وهي أني أن ظلمت !!!!!
* أذكري أسعد لحظه في حياتك ؟ فيه لحظات كثير بس بسراحه محس في لحظه شعرت بسعاده ألي ماتنوصف أنشاء الله قريب .
* لووهبت عيني زرقاء اليمامه فأين ستحولين نظرك ؟ ألا بيت الله ( الحرم)
* هل الطيب في نظر الناس ساذج وعديم شخصيه ؟ أنا أنواع فيه طيب بسذاجه يعني الكل ماخذ عليه وفيه طيب مع الطيبين وحازم مع ألي يبيلهم حزم وفيه طيب طيبه لدرجه أن الناس يصيفونه ( بالغبي) فما كل طيب يكون شامل السذاجه وعد الشخصيه وممكن يكون مجمعها كلها !!!!!!!!!
* هل وجدتي بمنتدى عالم حواء مايشبع رغباتك ؟ والله مايقصرون بنسبه لي ألي أبيه ألقاه على طول ولي ما ألقاه أسأل عنه بالمنتدى ومايقصرون الحبايب ( وفيد وستفيد ) !!
* أخر سفره لكي كانت ألى أين ؟ وكم مدتها ؟ والله شوفي من عرفت نفسي وأنا من جده للجنوب ومن الجنوب لجده ماقد تطورنا وسافرنا برى هل خطين ،، بس ربي يرزقني وياكم أبن الحلال الي مايخلي ديره ألا ونلفها سوى ياااااااارب ( من بوقي لباب السما) !!!!!!!
* من هي تؤم روحك ؟ تؤم روحي هي صديقت العمر ( س.م) .
* ماهي نقاط ضعفك وقوتك ؟ ولله الحمد أنا بطبيعتي قوية الشخصيه رغم أني حساسه جدا ودمعتي أقرب من ضحكتي لاكن مايبان ألي يشوفني يقول ماتعرف غير تضحك
أما نقاط قوتي هو أيماني بالقدر خيريه وشره ( ولله الحمد والمنه على كل حال ).
* كلمه أخيره تودين قولها ؟
أخر شي هو الله يسعد أيامك ويبعد عنك الأحزان ياطيور الاحزان ،، وقلت لك من البدايه انتي ألي فتحتي لي مجال لأقول مافي خاطري ، وموضعك أكثر من رائع يا عسوله أنتي
وفالختام مايحلا كلام ألى بصلاة على أشرب الأنبياء والمرسلين سيدنا وحبيبنا محمد عليه افضل الصلوات والتسلم .
المحبه للخير دوما وابدا { من ديار أبو متعب }

00أشكر أخواتي الكريمات على التفاعل
أختي* الداعية إلى الحق* والله حبيبتي ما كان قصدي إني أذكرك بأوجاعك .....أنا والله حبيت أوسع صدوركم
لكن أختي الحبيبة أنا آسفة كثيرررررر

أختي *فجر* أشكر لكي المرور ولكن أنا في انتظارك

أختي *من ديار ابو متعب * أشكرك على الصراحة والله يديم الصداقة بينك وبين صديقتك وأتمنى لكي التوفيق ....

أختي *آخر وحده* أشكر لكي التفاعل والله يوفقك

أخواتي بما أنني طرحت الموضوع فسوف أجاوب على الاسئله


* كم تخصصين من الوقت للجلوس على الانترنت؟
ليس هناك وقت معين ...
متى ما خلصت اشغالي جلست على النت لكن في الغالب ما أطول على النت
* ماهي أجمل ذكرى لك ؟
ذكرى أيام الطفولة
* ماهي أخر هدية وصلت لك ؟ ومن مين؟
اخر هديه من خالتي الله لا يحرمني منها والهدية جوال
* ماذا تعني لك الصداقة ؟
تعني لي كل شي جميل ورائع
* حكمه أعجبتك ؟
لاتكن لينا فتعصر ولاتكن صلبا فتكسر
* ماذا تعني لك الأسرة ؟
الاستقرار- الطمأنينة – الحنان
* ماهو النجاح في نظرك ؟
وصول الإنسان إلى هدفه المنشود ( الجنة )
* اذكري لنا أسوأ لحظة حزن ذقتيها في حياتك؟ ) لا أراك الله مكروها)
لحظه في حياتي مستحيل أنساها وهي يوم أسقطت أختي مولودها الاول صراحه يا بنات كان موقف محزن للغايه أختي حملت بمولودها الاول بعد 13 سنه لكن الله ما أراد حياة الطفل و كانت أختي في حاله نفسيه صعبه جداااا... تخيلوا معاي يابنات أختي أسقطت في الشهر الخامس.... صعبه تشوفين أختك وهي تبكي... ايش تقولين لها و انتي في غايه الحزن كيف تواسينها ؟؟ خاصاً إذا شفتيها وهي مستعده لمولودها الجديد ....
ايام مستحيل أنساها ....
* اذكري لنا أسعد لحظة فرح ذقتيها في حياتك ؟ (جعل الله ايامك كلها فرح في فرح)
عندما أصبحت خاله بعد 13سنـه
* لو وهبتي عيني زرقاء اليمامه لمدة ساعه فأين ستحولين نظرك ؟
تجاة مكة المكرمة
* هل الطيب في نظر الناس ساذج و عديم الشخصية ؟
للأسف في هذا الزمن يعتبرونه كذلك
* هل وجدت بمنتدى عالم حواء مايشبع رغباتك ؟
الحمد لله....
والله يجزى القائمين على هذا المنتدى خير
* آخر سفرة لك كانت إلى أين؟ وكم مدته؟
الطائف وكانت مدتها أسبوع
* من هي تؤأم روحك؟
أختي الله لا يحرمني منها
* ماهي نقاط ضعفك و قوتك؟
نقطه ضعفي هي العاطفه الزائده
نقطة قوتي التوكل على الله سبحانه وتعالى


" طيور الاحزان" في انتظاركم

فينكم يا بنات حواء

أنا في انتظاركم