الرز الصيني :cook:
والله الرز هادا كل من ذاقو سالني طريقتو وانتي جربي وشوفي المهم مابغا اطول عليكم
المقادير
2 _كاستين رز
صدور دجاج
حزمه كرات
ملح (حسب الرغبه)
2_ملعقتين صغيرة جلموتو (ملح اندونوسي)
1_غطاء خل ابيض
بصل
ثوم مطحون
فلفل اسود (حسب الرغبه)
زيت
بسسس
الطريقه
طبعا اول شي حطي الرز على النار يعني رز ابيض عادي اول حطي الزيت في القدر والرز فوقو على طول ومويه مغليه وملح وملعقه جلموتو وغطاء الخل وخليه يستوي ..
نجي للدجاج
نجيب قدر صغير ونحط شويه زيت ونكشن البصل وبعدين الثوم ونحط باقي البهارات وملعقه الجلموتو وفوقو الدجاج طبعا الدجاج يكون مقطع مربعات صغار وغطي القدر شويه وروحي قطعي الكرات صغار مو تطحنيه وخليه على جنب لما خلاص يستوى الدجاج حطي فوقو الكرات واذا تحبي الذرة المعلب 3ملاعق كفايه طبعا الرز لايكون نسيتيني وانحرق المهم خلاص حطيتي الكرات والذرة حطيه فوق الرز وقلبيه ممكن تغرفيه في صحن الرز العادي وممكن تجيبي زبديه وتحطي فيه الرز وتضغطيه بقوة وتقلبيه في صحن وتقدميه مع السومطرة طبعا انا احبو مع الصويا وبالعافيه ...
طبعا ادعوووووولي وادعو انو ربي يهدي زوجي وبنتي بنتي الصغنونه لاتنسو تدعولها..
وياسلام على الردود:35:
رنو الحلوة @rno_alhlo
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
الله يعطيك العافية
الف شكر على الطبخة
وربي يسخر لك زوجك ويصلح لك بنوتك ويخليها لك