أدري إني زودتها....

صراحة أنا و الله خجلانه و أنا أطلب ها الطلب بس وش أسوي ... ويمين بالله لي ثلاث أيام وراء بعض و أنا منتصه عند الإنترنت و أسوي بحث عن ها الموضوع لإني كد شفته... بس عجزت أحصله :30: ( صراحة ما ودي أثقل عليكم بس بهاالطلبات ) بس يوم عجزت قلت ما لي إلا إني أسألكم عن أسماء و أرقام محلات تسوي كوش أفراح في الرياض .. ويعطيكم ألف عافية .

و هذي بعض الأشياء الي من و اقع تجربتي و حبيت أفيدكم فيها ( يعني مو بس أخش على المنتدى و أسأل و أطلع بس :22: ):
* من المعلوم إن أي و حده تسوي رجيم راح يشحب وجهها بشكل كبير .. في هاالحالة وش تسوين ( ثلاث أرباع كاس ماء + 3 ملاعق كبيرة خميرة البيرة )
طبعا الماء يكون بارد شوي و ملعقة الخميرة تكون مسح و اتخلطينهم بشوكه و تشربينهم الصبح على الريق و تجلسين ساعة و نص ما تاكلين و لا حاجة ( و الله يا بنات مرة جاني خفقان من الرجيم لدرجة ما عاد أقدر أوقف و يوم شربت الخميره 3 أيام راحة عني ) .
* قناع الحلبه .. تاخذين كمية حلبه مطحونه و تخلطينها مع ( يا إما زبادي و إلا بيض و إلا ماء ) على حسب نوع بشرتك .. و إتحطينها على وجهك و رقبتك لمدة ثلث ساعة ثم تغسلين وجهك بماء دافئ ثم بماء بارد( ملاحظة هامة أذا بغتي تخلطين الحلبه أولا حطي الزبادي مثلا في وعاء ثم أضيفي الحلبه بالتدريج لين يصير قوامها زين و ضعيها على وجهك على طول لأن لو تركتيها شوي راح تصير غليضة .
* كاس حليب + ملعقة صغيرة عسل + ملعقة صغيرة حبة سوداء + بيضة وحده ... يخلطا مع بعض وتشرب على الريق لشد بشره الجسم ( صراحة هاالطريقة مجربتها أخت زميلتي و إتحلف لي إن أختها مترهل جسمها من النحف و يوم سوت الخلطه هذي ظبط جسمها .. و أنا مالي ألا 3أيام مسويتها يعني لسا ما شفت خيرها من شرها .
* أحسن شامبو على الإطلاق هو شامبو Roberta الإنجليزي القديم وهذا قالت لي عنه أخصائيه في مركز العنايه بالشعر ( لزرتيج ) و أنا من جربته إرتحت من شئ أسمه ( شعر ملتبد و مزيت ).
* حاجه أخيرة من زمان و أنا أشتكي من وجع في ظهري فانصوني إني أقراء سورة البقرة كاملة بدون تقطيع في جلسة واحده كل يوم وبعد ما أخلصها أجمع كفيني و أنفث فيهم و أمسح ألي أقدر عليه من جسمي لمدة شهر.. لما سويت هالطريقة زال ألم ظهري و كوابيس أثناء النوم و ضيقة كانت كانت تنتابني و أهم شئ إرتحت منه و لله الحمد الفزه ألي تجيني أول ما يدخل عيني النوم ( يعني ما صرت أفز و أنا نايمه ) .

( أهم شئ لا تطنزون على اللهجة العاميه المخلوطة بقليل من اللغة العربية ) و أرجوا إني ما كون كثرت عليكم .. و سلامتكم .