انت بالنسبه لي إيش
وانا بعدك كيف اكون
وليه احس وليه اعيش
طبعـــــــــاُ هذي اهديهــا لاغلى قلب ومن مثله قلب ابوي
يسعد مساكم جميعــاً بكل خير وطاعه ؛؛
وعســانا مهماكبرنا وتزوجنا وعشنا حياتنا ماننسى الوالد الغالي بكل كلمه وماننساه الدعوه ماننسى جميله علينا طووول حياتنا
لولا الله ثم ابوي ماجيت لدنياي
وش عاد اكثـــــر من كذا
هالانسان العظيم احس انا مقصرين بالكلام عنه..قليل نرى مواضيع عن الاب...رغم انا اذا تكلمنا عنه ماراح نخرج الا بشي جميل
والله اني لو رخصت العمر كله في رضاك
........................... مايوفي ربع حقك وانت حقك مايهون
يايبه ياتاج راسي يا عسى عمري فداك
.......................... ياغناتي والله انك لو تبي عيني تمون
واحدوعشرين عام ماترددت بعطاك
......................... ياشبيه الغيث لامن ساقته غر المزون
والله اني لو كثر خيري فانا خيري ذراك
................. شوفني بنت كامله بس دونك .. ويش اكون؟
ووش يكون العمر من دون اجتهادي في غلاك
................ ووش يكون العطف والرحمه بدونك وش تكون؟
يايبه يانور عيني شب عمري في هناك
..................... والله انه ابرد امن الما على كبدالظعون
يايبه ياجعل روحي فدوه لموطى خطاك
....................... حطني بينك وبين الوقت وكبار الطعون
العمر والنفس واللي املكه كله فداك
..................... واعرف انه ربع حقك وانت حقك ما يهون
تمر علينا مواقف لولا وقفه ابوي معي احس اني ضااااااايعه
اذا جلست لحالي وتذكرت مزحه وكلامه وحركاته ماقول غير ياااااارب تطول بعمره وتخليه لنا حبيب الشعب << خير ان شاء الله
اقصد شعب بيتنا العظيم :22:
اتذكر زمان ايام المدرسه يقولي نوشه اذا نجحتي لك ولك
وان رسبتي فااحلمي تاخذين شي
واللي صار اني رسبت هالسنه..ومالي وجه اقابل احد ابد من الفشششله وابوي يدخل علينا قال
هاه بشروا
قال اخوي خخخخخ سقطت بنتك يابابا
وياخذ ابوي شهادتي ويقول انا مايعجيني الا الشهادات اللي كذا فيها دويرات حمر:22: خخخخ
ويعطيني هديتي
واخواني طنقروا ههههههههههه ناجحه ساقطه تجيني الهديه هع
وبعد اتذكر يوم تزوجت وبيزفوني بس قلت ابي اشوف ابوي اول
ويوم شفته الا عيونه متغورقه ويقول الله يوفقس يابنيتي وانا افكهااا صيااااح لا مابي اتزوج بروح معكم:icon33:
خلاص قلتلكم مابغى اتزوج ...خخخخ هبله كنت
بس والله مانلام وحده تشوف دميعات ابوها ماتصيح مثلا؟
وبعد بالعيد اللي فات امازح اخوي واقوله يالله عطني عيديتي قال كثري منها اعطيك
وقاعدين نسولف انا وياه قلت سحــــقاً لمجتمع يظن اننا كبرنا على العيديه
مادريت الا ابوي وراي
ويقول اي والله سحقاً له هاك عيديتك ونا ابوتس
هههههههههههههههه وجهي صار الوان واقول لحظه ..لحظه امزح يابوي فديتك والله امزح وهو والله لتاخذينها
تفشلت اقوووى شي بس يالبى عيديته :22:
البنت بنظر ابوها ماتكبر ابد تظل بنته الصغيره اللي يخاف عليهامن نسمه الهواء
والمفروض حنا مانحملهم مشاكلنا ابد او اوجاعنا
تذكرت سالفه لــ اختي اموووت ضحك لاذكرتها كانت وحام تعبانه وزوجها جايبها عند اهلي عشان المحروسه توحمت عليه خخخ
جلست عندهم لين راح الوحم وبعدها ماجت اهلي ابد الا وهي نفاس
وجلست عندهم لين طلعت وراحت وابطت ماجتهم
عاد ابوي يقولها وانا ابوك زوجك هذا لكنتي طيبه اخذك منا ولا كنتي تعبانه جابك ماشاء الله عليه..مافي نونو بالطريق عشان تجينا
خخخخخخخخخخخخخخخ
اوووم الفشله بس... بعدها استحت على وجهها وصارت تجي اهلي كل فتره
يعني اللي ابوصله بعض البنات ماتعرف اهلها الا وقت التعب بس
ولا كانت طيبه مازارتهم
ليه مايشوفونا واحنا باحسن حال عشان يرتاحون نفسياً ومايشيلون هم ابد:(
يافديتك بابوووي لو اكتب من هنا لين الاسبوع الجاي مايوفي لك كلامي
بضل بنته اللي اشوفه هو رجل الكون الاول
هو اللي لا وقف جلس من حوله
هو تاااااج راسي وعزي
هو الغلا الاول
هو سندي بعد الله
ويالبى قلب ابوي اللي تزوج امي ..عز الله مشروع ناجح يوم جابوني
ربي يخليلهم لنا...دقيقه غمضي لمده خمس دقائق وتخيلي حياتك بدون ابوك
بوقتها بس تعرفين قيمته صح...