أذاصادقت بنتك أكبر منها ؟؟

أنا أعتبرها مشكلة لان معروف ان التربية والتأسيس من الصغر

والمشكلة بنتي توها صغيرة في الأبتدائي ولها صديقة أكبر منها بكذا سنة وتعرفت عليها عن طريق أختها تصير مع بنتي في نفس الفصل؟؟ وحاولت معها ما تصادق البنت اللي أكبر منها تقول لا هذي فيها وتبدأ تعدد محاسنها طبعا وضحت لها وجلست معها أحاول أقنعها ما يصلح البنت تصادق اللي أكبر ومن هذا الحكي أستجابت أخيرا وقالت أبتركها ونامت
وقبل لا أقومها عشان تروح المدرسة فتحت شنطتها الصبح ولقيتها كاتبة لنفس البنت أني قررت أتركك لان ماما تقول لاتصاحبين اللي أكبر منك !! ومشت الأيام ............
طبعا أسألها من قعدت معه قالت مع فلانه نفس البنت بس شوي ويبدأ الموال من جديد .........قلت بأستخدم أسلوب غير مباشر وأنا بطبعي دايماأحاول أبصرها الخطأ والصح وأحذرها من صديقات السوء وأضرب أمثلة ومن بين الكلام قلت مثل اللي تصادق اللي أكبر منها ممكن تعلمها أشياء هي غافلة عنها وما تعرفها تدرون بنتي وش قالت ببراءة صح ياماما مثل فلانة اللي هي أكبر منها علمتني ان البنت تتزوج في سادس :06: :06: :06:
هنا وصلت المسألة حدها ما حاولت أصرخ عليها علشان ما أخليها مرة ثانية تتوب ما تقول شي لكن من جد المشكلة محيرتني كيف أخلي بنتي تتركها وش يضمني أن البنت الكبيرة ما كانت تتكلم عن أمور بس بنتي بحكم سنها ما أستوعبتها والله مدري وش أسوي علموني
وحتى لو كانت الصديقة ما فيها شي كيف أغرس في بنتي أنها ما تصادق الا اللي في سنها لإن الجيل تغير ونحن في زمن كثرت فيه الفتن خايفة على بنتي :44: ودي أربيها تربية أفتخر فيها بعدين بأني ربيت صح وما أخاف عليها ........خصوصا في زمنا كهذا الزمن الله يستر علينا وعلى بنات المسلمين...........