اذا حر نمشي بعد زوال الشمس نتغدا بالبيت غدا دسم واكون مسويه دونات او جبنيه او بسبوسه او سينبون او حلا مايعدمنا

مع علبة تمر وشكولاتات مع قهوه

وترمس شاهي ومعجنات نوعين وسندوتشات وناخذ شبس وبسكويتات ومكسرات ومويه

وعصيرات بنص الطريق واذا جعنا ناكل منهن لين نوصل ومانشتري من برا ابد اغلب سفري يكون مدته 8 الى 9 ساعات

يعني يمدينا ناكل الموجود ونشبع بدون مانضطر نوقف:)

قهوة وتمر وحلاو بقر ههههه او اي شكلاته توكس بونتي

شاهي وسندوتش اخذه من البيت احشيه جبن او تونه او لبنه حسب الموجود وناخذ مكسرات باجه وفصفص

والله يحفظ الجميع ويرزقنا الامن يارب

اخذ معايا قهوا وشاهي وكباتشينو واسوي معجنات احشيها جبن ابيض وشيدر وبيتزاء واسوي كيك وورق عنب ونمر على البقاله ونشتري

مويا وشبسات مع انه مضاربه مع ابو الشباب على الشبيسات الاولاد يحبونها وابوهم مايواطن ريحتها وعصير واهم من ذا كله اخذ

معايا عسل الله لايقدر احد تتعب معدته بالطريق وين ندور على مستشفي العسل شفاء باذن الله لكل داء وبعد اخذ المسحه الاندنوسيه

مرررره ممتازه لكل الم يخطر على بالك وسلامتكم

مافي شي غير الشاي والقهوة واذا بنسوي كيكه بس وش لنا بالحوسه والريحه بالسيارة ومنحب ناكل على طريق سفر الا بسكوت حلويات كذا غيره لا ولا شي

شاي وقهوه والباقى من البقاله
وذا بناكل ندخل داخل الدير اللى نمر ها ونختار مطعم معروف ونكمل
طيب اللى يقولون يطبخون فطاير وحلويات حلوه
بس رز وايدام اكيد لا محاله يبرد ولاكل البارد مااحبه