زووجك هو الي يحدد كم يبي
لو واحد كلهم خير وبركه والله يرزقك ماتتمنين ويرزق كل محرومه ويسسهل كل عسير

مدري بس عني اشوف لو اوصل الثلاثين وعندي اربعه اطفال
خييير وبركه
وارتاح كم سنه وارجع اجيب اثنين او ثلاثه واهم شي الصحه والعافيه
انا حاليا عندي ولد 3سنوات وشوي
وبنت سنه وشوي وحامل وعمري 26سنه
وافكر احمل بعد ولادتي ع طوول علشان
اوقف وارتاح باذن الله لما ادخل الثلاثين وهم كبار ومعتمدين ع انفسهم

انا تزوجت وعمري 29 والحمدلله حملت وجبت 3ورى بعض وريحت سنتين والحين حامل ماشاءالله
وبكتفي فيهم ال4 خلاص بشوف نفسي وصحتي واربيهم
انا اشوف الوضع المادي له دور كبير فقرار تحديد النسل

اذا بالك طويل وصبورة جيبي وزوجك كمان لايكون عصبي ويضرب عندي اهم شي البيئة اللي حيتربى فيها الطفل تكون امنة جسدياً ونفسيا

انا الحمدلله من عائلة كبيرة وبيت كبير وعندنا نعمة ياربي لك الحمد
شوفي هو على امي كل شوي احد داخل عليها يسلم والا يتقهوى معها
بس احس امي جسدها تعب وهي صغيرة بالخمسين يعني غيرها من الحريم يطلعن مطاعم وكفيات وهي ماتحب
تتعب على طول هذا من ناحية
من ناحية ثانيه هي دايم تقول انو انا راح شبابي اولد المفروض ماسويت كذا
بس تقول لما اشوفكم متجمعين انبسط
وبالنسبه لي كبنت تربيت على اخواني اعتبر لاني جا بعدي خمسة وامي مو لمي ابدا
تهتم باكلي وشربي بس سواليف اقوللها هالحين تقولي ويني انا ليش ماتقولي لي وقتها
انا وقتها صغيرة امي على طول مشغولة واروح لاختي الكبيرة ابد ماقد حسيت بحنان الام الكبير الي تنومني والا تخمني والا تلعب معي
بس لما كبرت صرت انا اروح اخمها واروح بنفسي اسولف معها لكن مع ذلك فيه حاجز كبير بيننا
ونفس الحالة مع ابوي شخص كبير بالسن مو لم اهتماماتنا ابد لكنه مايقصر
بين قوسين كبر العائلة ليست مشكله الا على الاطفال فقط لان الي بربي الصغار العيال الكبار