النهاردة حبيت اشارك معاكم في مسابقة الارز
يارب اطباقي تعجبكوا وتنال علي رضاكوا
نبدأ علي بركة الله
اول نوع
( رز حبه وحبه مع كفتة داوود باشا)
هذا هو الطبق المفضل عندي
ولو جربتوه هاتصدقوا كلامي
المقادير بالنسبه للرز
3 كوب رز مصري
1/2 3 كوب ماء
معلقة صغيرة ملح
زيت
مقادير الكفته
كيلو لحم بقري مفروم
بصله كبيرة مفرومه
3 فص ثوم مفروم
كوب بقسماط
بيضه
شبت وكسبرة خضراء
ملح
فلفل اسود
كسبرة ناشفه
البهارات السبعه
بهارات كباب وكفته بتعطي طعم رائع
مقادير الصلصة
ثوم مفروم + عصير طماطم
معلقه كبيرة معجون طماطم
ملح وبهارات ومكعب ماجي
الطريقه( طريقة الرز)
في وعاء علي النار ناخد جزء من الرز ونضع عليه كمية الزيت ونحمرة
بالشكل دا
ثم نصفي كمية الرز الباقيه ونضيفها عليه
ونضيف الملح ونقلب
ثم الماء ونقلب ونتركه علي نار عاليه
ولما يتشرب الرز الماء نهدي النار خالص حتي ينضج
لتجهيز الكفته
نفرم البصل والثوم والكسبرة والشبت في المفرمه
ثم تضاف للحم مع باقي المكونات
ثم تفرم مرة ثانيه في المفرمه
وتكور كور صغيرة
ثم تحمر في الزيت
ثم نجهز الصلصه
نحمر فصين ثوم علي النار
ثم نضيف عصير الطماطم
ثم معجون الطماطم والبهارات والملح ومكعب الماجي
ونتركها تتسبك ع النار
ثم تضاف الكفته بعد تحميرها
ودي النتيجه
سموا الله
رجاء عدم الرد
حتي اكتمال الموضوع
(الرز الابيض مع الذ كشنه علي طريقتي)
الرز دا لذيذ واتحدي بيه المطاعم جربوة وقولولي
المقادير
3 كوب رز حبه طويله افضل نوع عندي المهيدب او كوهينور ( حبته لذيذة ولها نكهه وطعم تاني يختلف عن اي رز)
زيت وسمن
ملح
قرنفل صحيح وفلفل اسود حب
1/2 3 كوب ماء ويمكن يزيد شويه
الكشنه
بصل شرايح
جزر مبشور
زبيب
نصف مكعب ماجي
ليمون اسود مطحون
كركم
بهارات كبسه
البهارات السبعه
الطريقه
نشوح الفلفل والقرنفل مع الزيت والسمن ع النار
ضروري سمن بيدي للرز طعم لذيذ
ثم نضيف الماء ولمي يغلي نضيف الرز
ونتركه علي نار عاليه حتي يتشرب الماء
ثم نهدي النار حتي ينضج
شوفوا لونه ابيض وناصع اذاي
ثم نجهز الكشنه
نقطع البصل شرايح طوليه رفيعه
ونشوحه ع النار مع زيت وسمن
ولما يذبل ويلين نضيف الجزر المبشور
ونشوحهم مع بعض حتي يلين
ثم نضيف الزبيب والبهارات ونقلب مع بعض حتي يتجانس الخليط
ثم اضيف له ربع كمية الرز بعد نضجه
واقلبهم مع بعض
ثم نغرف الرز الابيض في السرفيس
وعلي الوجه الكشنه اللذيذة
ثم يزين
ياسلام ع الريحه والطعم
ياالله خفيف ولذيذ بموووووت فيه
شوفوا الرز نثري وشكله وطعمه لايقاوم
ملحوظه يابنات
انا بحب استخدم سمن بلدي في النوع دا من الرز
وخاصة الرز الابيض بتدي طعم رهييب
واكيد كل بلد لها طريقه مختلفه في السمن البلدي
ولكن ع فكرة لو استخدمتيها بكميه بسيطه هي صحيه اكتر من السمن الصناعي المهدرج
والقليل منها بيدي طعم وجربوا
بجد الرز دا هايعجبكوا جداً
يتبع
رجاء عدم الرد