بسم الله الرحمن الرحيم
السلام عليكم ورحمة الله وبركاته
مشكلتي مع اهل زوجي يمكن البعض يشوفها تافه والبعض يمكن يشوفها العكس
بس هي مسويه حره بقلبي ليش ما ادري احس انهم ظالميني في امور كثيره وانا على نيتي والله يشهد
فيه مواقف كثيره ومنها
- مره خطبوا خالتي لأخوهم (إلي هو طبعا اخو زوجي) وخالتي ماوافقت .. قلت لهم ماوافقت والزواج قسمه ونصيب قاموا قالوا اصلا خالتك كشره ومي مبتسمه وشكلها عصبيه انا رديت عليهم لاتغتابون البنت وانتم لاتتكلمون عن ناس ماتعرفونهم قالولي قولي لها علشان مانكسب ذنب قلت لهم انا ما احب افرق بين الناس
قالوا اصلا احنا متفرقين خلقه ومالنا صله فيه وخالتي تصير بنت عمهم. وخالتي هاذي هاديه وقليلت كلام والله دايم الابتسامه على وجهها ماشاء الله . ...وقمت طلعت بيتي وانا زعلانه ولا غلطت عليهم ولا بكلمه
إيش رايكم بالي صار..اخوهم تزوج الحين والله يوفقه وعنده بنت اموره ماشاء الله انا عارفه ان المشكله انتهت بس احس انها للحين حازه بقلبي
-والثانيه مره اخته (اخت زوجي) جاتني ببيتي هيه وبنت خالتها وكنت لابسه بنطلون بس الله يشهد انا بناطيلي واسعه وبلايزي طويله ..قامت قالت انا ايش قلت لك قبل كذا لاتلبسين بناطيل (ليش هي زوجي على غفله يامر وينهي).وعند بنت خالتا (والنصيحه على وجه الملأ فضيحه)قلت لها انت جايتني ببيتي والبس إلي ابغى (قلتها بأسلوب المزح)وطنشتها وضيفتهم احلى ضايفه...ايش رايكم بالي صار
-والمشكله الثالثه هي انا قبل كم يوم طلعنا البحر و مع عمتي ام زوجي واخته وعيالها ..لإنه زوجها لو يموتون مايطلعهم رحلات ...المهم كنت لابسه تنوره وهي شافتها قالت ايش لبسك تنوره اليوم قلت لها ايش تيغيني اللبس قالت انت لبستيها صدفه(فيه احد يلبس ملابس صدفه)وبدات تنصحني عند زوجي وعند عمتي وعند عيالها من هنا وبنتها تضحك على الاخر..
وقالت انت ماتلبسين إلا بناطيل وهاتك كلام ا(حنا برحله ولا ايش) وانا والله مااللبس إلا مستر داااايم وانا اخاف من ربي مو منهم وكل مانزلتهم اللبس تنانير ..وبالنادر ما اللبس بناطيل وإذا لبست اللبس بلايز طويله وواسعه (تقريبا زي الهنديه)وانتم اعرف بالسوق وموضات هذا الزمن وصعب تلقين إلي ببالك
- المشكله الرابعه يوم كلمني زوجي انه لمن تجي مناسبه عن اهله يقول ساعديهم ارفعي وحطي وشيلي قلت له من عيوني وانا صراحه اسوي هذا من غير مايقول (أهلي ربوني تربيه طيبه والحمدلله)...بس عرفت انهم هم (اخواته) هم إلي قالوا له انه انا ما اساعدهم لا انا ولا سلفتي(زوجة اخوهم) ويقولون أنه إذا جينا نجي زي الضيوف لكن الله الشاهد انه لمن اجيهم اساعدهم لمن يكونوا جايهم ضيوف ارفع واحط صحون واجيب حلى وصب قهوه اصب شاهي واقدم لهم حلى ابقهوه ومن هاذي المساعدات خصوصا لمن يكونون مشغلولين بالعشاء وانا اساعدهم بفرش السفر وحط الملاعق ومن هاذي الامور وهم ماشاء الله 4 بنات صح متزوجات لكن ساكنين جنب بيت اهلم ووحده بالرياض وانا فيه سبب يخليني ما ازيد من مساعدتهم انه لهم تصرفات غريبه او غريبي الاطوار بعض الشي بعض الشي وهاذا ناس قالوه عنهم وانا بالفعل لاحظته ...وهم ناس يحبون الانتقاد مررررررررره وعنده اخت ماتزوجت وهي شايله البيت شيل ماشاء الله عليها وهي ماتحب احد يفتح دولاب مطبخ ولا ياخذ شي إلا وهو قايلها او يفتح ثلاجه (وانا لو اخذ ملاعق او شطه او طرشي ومخللات لازم اقولها يعني ..وانا صراحه اخاف منها خخخخخخخ
هاذي بعض المواقف إلي صارت لي معاهم وهناك الكثير
لكن الصراحه هم ناس طيبين بس عليهم تصرفات غريبه بعض الشيء
والمواقف يمكن تشوفونها بسيطه ويمكن لا ....لكن انا حساسه جدا جدا واي شي يحز بقلبي
واريد منكم توجيهي للتعامل الصحيح معاهم
والرجاء
ولا تزعلون من رجائي إلي مو عاجبها الموضوع تقرأ وتخرج او تقول اب او تسبح وتكبر وتستغفر وتحمدربها افضل
لإنه فيه ردود تجرح ...وانا اريد نصائح مو تجريح
سامحوني أطلت عليكم
والسلام عليكم ورحمة الله وبركاته
s7ap @s7ap
محررة
أربع مواقف صارت لي ...وأريد منكم النصيحه والتوجيه ..ولكم الاجر والمثوبه بإذن الله
31
2K
يلزم عليك تسجيل الدخول أولًا لكتابة تعليق.
زائرة
•
الله يرزقك الذريه الصالحه
المواقف اللي قلتيها صح تحز بالخاطر
لكن طنشيهم لأنه بالنهاية هم بشر موب ملاك
وأنا إذا زوجة أخوي سوت مثلا شيء خطأ بنظرنا
أقول لأمي الناس يغلطون ويمكن مو قصدها يمكن تفكيرها كذا أوغيره
يعني أدور مبرر عشان ما أحقد ولا أشيل بقلبي على أحد
وأنتي تصرفي باللي يمليه عليك ضميرك وتربيتك
والناس لو تصرفوا تصرف شين تأكدي أنه بكرة راجع لهم لا محاله
يعني أنتي ماشاء الله واضح أنك طيبة
وخلي علاقتك معهم مثل أهلك وأي غلط طنشي وأدعي بصلاح عيالك
نتيجة صبرك
والله يوفقك ويكون بعونك
تحياتي
لكن طنشيهم لأنه بالنهاية هم بشر موب ملاك
وأنا إذا زوجة أخوي سوت مثلا شيء خطأ بنظرنا
أقول لأمي الناس يغلطون ويمكن مو قصدها يمكن تفكيرها كذا أوغيره
يعني أدور مبرر عشان ما أحقد ولا أشيل بقلبي على أحد
وأنتي تصرفي باللي يمليه عليك ضميرك وتربيتك
والناس لو تصرفوا تصرف شين تأكدي أنه بكرة راجع لهم لا محاله
يعني أنتي ماشاء الله واضح أنك طيبة
وخلي علاقتك معهم مثل أهلك وأي غلط طنشي وأدعي بصلاح عيالك
نتيجة صبرك
والله يوفقك ويكون بعونك
تحياتي
الصفحة الأخيرة