أرجوكم أحتاج احد يساعدني

السلام عليكم ورحمة الله وبركاتة

وبعدأحب أقلكم كل عام وانتم بخير بمناسبة العيد والقلوب كلها مرتاحه يارب الجميع :27:
نبدأ المعاناه أنا يا بنات السنة اللي فاتت 5 شوال كانت ملكتي وبدأت المشاكل من قبل الملكه نحنا قلنا لأم زوجي خلي الملكه صغيرة والفرح كبير وتكون في البيت قالت لا وصارت مشاكل واخيرا سوينالهم ملكه ما عزمنا من عندنا غير 10 ومن عندهم يمكن 30 أنا اللي خسرت على الملكه كنت دوبي داخله الجامعة والمكافأه نزلت تبع شهرين كلها راحت وسرت ادبر من كل مكان والناس واهل الخير ما قصرو واحد شال العشا وواحد شال بوفيه الحريم وواحد شال الاستراحه والحمد لله ربكم كريم وصلت الفلوس اللي جاتني من الناس حسب علمي 30الف ما شفت منها شي انا لمن انخطبت ما كنت مقتنعه بيه بس كان هدفي اني اخلص من المشاكل والتسلطات واخلص من زوجة ابويه واهلي كلهم والله ما كانت الفرحة في قلبي المهم ملك عليا وكان يجي البيت ويختلي بيا وكنت احاول ارضيه بكل الوسائل واحاول اتأقلم معاه المهم انا زي العصفور المحبوس ما نخرج كثير ولا نروح ولا نجي المهم كان نفسي نخرج وياخدني العالم كله المهم بدأنا نخرج اول خرجة رحت مع اخواتي الصغار امشيهم ونتعشى وهما 4 المهم خرجنا قلي انا ماعندي فلوس و رحنا عند واحد من اصحابه نستنا يا خد فلوس المهم جلسنا من المغرب للعشاالمهم انا شفت كدا كلمت زوجة ابويا واستلفت منها 200 واخدتهم ورحنا مطعم بملاهي وبعدين لعبتهم واكلتهم وانا ما اكلت انصدت نفسي ولا كلام حلو ولا يحزنون كاننا طلعنا ناكل المهم مرت الايام عاديه على قولهم تمشي وبعدين جات الخرجة الثانية ورحنا استراحة وجلسنا كالعاده جلسه ممله وأخذت اخويا الصغير معانا وكان يبغى يلعب فأعطيته قدامه فلوس وراح لعب المهم جلست معاه وكشفت وطلب عصير اعجوبه وجلس يشيش ولا سأل عن اللي جنبه لا كلام لامواضيع ولا شي رجعنا البيت والخرجه اللي بعده نزلنا جده رحنا بيتزا هت كان عامل عروض وطلبنا الاكل ركزواااااااااا ونحنا بناكل دخلو بنات وانا طبعا في قمت جمالي مكياج وعوده وحركات الاخ يحسبني هبلة انا شايفته بس ساكتة ما كأني شايفة شي وكل ما دخلت وحده عيونه راحت وجات اناطبعا مني عارفة اكل المهم هوا ما قصر اكل الاكل كله و نحنا خارجين من بيتزا هت الشباب سارو ا يطالعوا ويعاكسوني وهوا ولا هنا انا طبعا اتجننت رجعنا ووجهي زي ..... اكرمكم الله المهم اهلو كانوا عايشين في الرياض وعشان حظي يكمل قرروا يرجعوا كنت اروح مكان ما وجات الخرجه اللي بعدها قال هذي كل يوم ابغى اصرف عليها في نفسه طبعا المهم نزلنا جده وطبعا كان نفسي نروح نشتري اشياء وكل ما اقله يقلي ما عندي وطبعا جينا نتعشى ويومها انا كنت صايمه ولا فكر حتى ياكلني فقلت له انا جيعانه فقلي انا ما عندي فلوس فرحت واشتريت العشا بفلوسي ورجعنا وزي العاده قمت الملل المهم كان يحب ياكل في البيت عندنا يكره اخرجه وانا كان نفسي احد أحد يا خدني ويطير بيا من كثر العذاب والاسر اللي شفته المهم نقله اهلة وجوجده وكنت دايما اكلم امه واخواته وكل ما سرلهم شي اوجب والله شهيد بس ما زرتهم ولمن قلت لاهلى قالولي انت لسه مخطوبه والمفروض هما يعزموكي عندهم في يوم من الايام سارت لهم مشكلة واتصل عليا خطيبي وقلي عليها رحت من غبائي اتصل على الام واهو عليها عارفين اش قالتلي هوا لحق يوصل الكلام وانا اقسم بالله كان ودي ابرد قلبها جينا نخرج يوم من الايام فرحنا سلمنا على بنت عمي واكرمتنا ونزلنا جده المهم في الطريق جاته مكالمه فجأه وجهوانقلب وما يبغى يكلمني استغربت سألته قلي ابويا يبغاني اجيله ضروري قلت طيب هما مو عارفين انه انت معايا قلي إلا عارفين اتصلت الام وزعقتله وكلمتني هوا فهمها اني رايحة الدكتور وانا خارجه اتمشى معاه فقالتلي مين حينزلك بيتك اش ارد قلتلها اخويه المهم قلت خدني بيت بنت عمي عبل ماتروح رماني طبعا وراح كان يبغاني اروح لامه انا رفظت لاني ما قلت لاهلى ولا عملت حسابي جلست عند بنت عمي كلمت ولد عمي يجي ياخدني ويرجعني هوا بكبر ابويا عاقل وهوا في الطريق اتصل خطيبي وقلي اخرجي اقله خلاص خليك عند اهلك وهوا يقول اخرجي وانا اقول لا المهم قلت اخرجي ا بنت واكسري الشر خرجت واتوقعت يصالحني ولا شي وصار يصرخ في السيارة وانا ولا شي ساكتة ودموعي نار تكوي قلبي امه ولا هوا ولا الزمن المهم رجعت البيت وهوا ولا كلمه قلت له لحظه جبت الاشياء اللي اشترالي هيا واعطيته هيا وفلوس البنزين كمان وخلاص وجلست انا في نار افكر اش مصيري واش حظي والله اني اكتب لكم ودموعي تحرق قلبي ولا شي اخويا عرف من زوجته اتجن وكبرت المشكله ودخلوا الاهل وانا صمت ودموع وبابا يقلي اتزوجيه واخويا يقول لا وانا استنى شويه يصالحني دحين يصالحني ولا شي وامه تتصل تكلم امي كلام يسم البدن وامي توصل وبس المهم جلست في نار والمشكله تكبر ومحد يسمعني ولا يساعدني في اشياء كثيرة ما قلتها بس انا اختصرت مرت ايام زي الليل وجلست فترة انا ما اشوفه وكل ما اقله يقلي انا مشغول مع اهلي واكلم امه اقلها نفسي اشوفه يقولولي مشغول بيدبش لاخته وجلسنا على كده وزادت المشاكل وزاد الاهمال وامه ما قصرت المهم انا دحين مرة سنة لا يبغى يطلقني ولا يبغى ينهي الحكايه واهله يبغوني اعمل خلع وهوا تبع اهلة اما انا ما ابغى خلع ابغى حقي الشرعي وانا اهه معلقه لا اطول السما ولا اطول الارض بس اش تبغوني اقول غير حسبي الله ونعم الوكيل اش رايكم اعطوني المشوره