أرجوكم أفيدوني وساعدوني في حل مشكلة أمي وأبوي

بسم الله الرحمن الرحيم
والصلاة والسلام على أشرف الأنبياء والمرسلين وبعد,,,
أخواتي في الله ساأطرح مشكلتي التي تشغلني كثيراً ودائمة التفكير فيها وأطلب منكم المساعده والدعاء لوالدتي لأن المشكله تخصها بحاول أختصر قد ماأقدر
أنا البنت الوحيدة لأهلي مع 6اولاد متزوجه ومستقره مع زوجي ومبسوطه والحمدالله,,, من بعد ماتزوجت أمي صارت في البيت هي الوحيده مع 4 من أخواني و2 متزوجين وعايشين بالشرقيه مامعها أحد يساعدها كنس وغسيل ملابس وكي وكل شي على راسها طبعا أبوي رافض مبدأ الشغاله عشان أخواني ويقول مايبغى أحد غريب في البيت معهم المهم أمي متحمله وصابره ودمعتها على خدها بس تقول بصبر عشان أخوانك لايضيعون المهم اللي زاد الهم عليها جدتي جات تسكن مع أهلي بعد ماكانت عند عمي أكيد بتقولون أمه ولازم يخدمها والله أمي ماعندها مشكله لكن جدتي ماتنطاق يابنات أقسم الله إنها ماتتعاشر ولو أوصف لكم ماراح تتخيلون وتقولون إني أبالغ لكن يعلم الله ماأبالغ جدتي يابنات ماترتاح تشوف أحد مستريح بس تقعد تتشكى من كل شي من المرض ومن اولادها ومن بناتها ومن كل الناس يابنات عندها وسواس مو طبيعي تشك في كل خلق الله مع أني أقسم بالله ماتلاقي زي معاملة أولادها والكل يشهد لهم ببرهم بأمهم أصلا ماشاء الله تبارك الله يبرون بالغريب فمابالكم بالقريب المهم والله يابنات سرت أكره أروح لأهلي والسبب هي ماأطيق أشوفها من معاملتها لأمي تخيلوا أكلم أمي وصوتها حزن وهم وأسالها عن أبوي تقول مايكلمني والسبب جدتي ماأدري ايش قالت له عن أمي مع أن أقسم بالله يابنات أمي مافي أطيب ولا أحن من قلبها المهم طولت عليكم لكن والله من القهر والخوف على أمي لايصير لها شي تصدقون راحت لدكتور عظام يقول أنتي عندك هشاشه في العظام ويبغالك راحه تامه ماعاد تسوين أي شي
يابنات أرجوكم دلوني على حل وأدعوا لامي بتفريج همها,,, وبنات جده ياليت إذا تعرفون شغالات بنظام الساعات تدلوني على وحده أمينه ونظيفه أوديها لأمي والله ماأنسى جميلها اللي تدلني ولأدعيلها بظهر الغيب من كل قلبي راسلوني عالخاص