الصراحة ما ندري بسبب الزعل المجهول ولكن هذا ما يمنع حقيقة ان زوجج فعلاً قاسي شكلكم عرسان جدد المفروض بعدها ما انطفت شمعة الولع والحب بينكم وخاصة من طرف الزوج المفروض يكون متولع مهما صار واستوى

المهم ألحين
عرفتي ان السبب تافه ما يستحق الزعل
عرفتي انج تحبينه وما تعيشين بدونه
والأهم:
عرفتي حقيقة زوجج وطبيعته القاسية وأنه من النوع اللي يسيطر على عواطفه ومبين عليه عقلاني وما بيفوتلج الغلطة بدون ما يلقنج درس
والحل :
اعتذري بشكل غير مباشر أول (مسج عتاب)
ذكريه بأسلوب غير مباشر بذكرياتكم وخاصة اللي يحبها هو
بعدين عاتبيه على ما آلت إليه أموركم
وبعدين آخر شي قوليله كل واحد فينا غلط لأنه سمح للشيطان يوسوس له
وبعدين لو رضا ولو راضاج ورجعتي له
فانتي تجنبي مثل هالزعلات ترا دلع البنات والأمور السطحية التافهة ما تفيد وياه
حاولي تتحكمين في عواطفج وتكونين عقلانية أكثر

العناد سبب كل المشاكل انا عنيده بشكل فضيع وكنت دايما ازعل واروح بيت اهلي اقعد فتره واستنى يجي يراضيني وما في فايده ولما ان ازهق من العيال وازعاجهم ببيت ابوي احن وارجع وصارلي موقف ما انساها طول عمري والله تبت اذا زعلت اقعد في بيتي ما اطلع منه لو الموت
لانك اذا تعوتي تتطلعي وتسيبي البيت الرجال يتوحد ويحب العزوبيه ويتعود على غيابك لكن لو طول عمرك في وما تطلع منه اذا صار لك شي يوم ورحت من البيت يحوس وشوف البيت ظلمه من غيرك
ماتطلع من البيت حتى لو وصلت للطلاق
والله يوفقك وردي علينا طمنيننا عليك

اختى حاولي يومين 3 ماطرشين له مسج اببببببببببد ولا تتصلين ادري نه صعببببببببب جدااااااااااااا بس ماعليه ها الشي لصااالحج اغلقي التلفوون وفريييه فوق الكبت لاتقربين صووووبه ابببببببببدد عقب بطليه اذا اتصل اتصل اذا ما اتصل كلمي حد من اهلج يصلح مبينكم مثلا اخوج العووود قولي له خلااص اريد ارجع بيت ريلي مبا اتم زعلاااانه واجهيهم لاتخااافين باجر اذا صار شي محد بيسالج عنج

شلي قشج ورووحي بيت ريلج وتساامحي منه ولاتفكرين تكررين المشكله وتردين بيت اهلج ع شي تااافه ولاتعوودينه ع ها الشي

لانك اذا تعوتي تتطلعي وتسيبي البيت الرجال يتوحد ويحب العزوبيه ويتعود على غيابك لكن لو طول عمرك في وما تطلع منه اذا صار لك شي يوم ورحت من البيت يحوس وشوف البيت ظلمه من غيرك
ماتطلع من البيت حتى لو وصلت للطلاق
والله يوفقك وردي علينا طمنيننا عليك

اشكركن خواتي على وقفتكن معي ونصايحكن الغالية علي....

وكلامكن على عيني وراسي....بس والله بعد ماكتبت في المنتدى رحت اقرا سورة البقرة وكلي امل ان ربي بيفرج همي...ورحت للدوام ...والله مااكذب عليكم بعد ماكتبت لكم قفلت وطلعت ارتحت اني كتبت لكم لاني واثقة من وقفتكن...وهذا قبل لا اسمع رد اي وحدة فيكم...المهم رحت للدوام وانا حاسة براحة وامل...واول ما وصلت الا هو يرسلي مسج...((.اصبحنا واصبح الملك لله..متى بتعقلين...وبتصيرين حرمة ..تطيع زوجها....))
انا ماصدقت فرحت برسالته ورديت عليه بمسج وهو يرد بمسج وعلى هذا الحال الين ماحسيت اني فعلا غلطت و جرحته في مسجاتي واتصلت عليه وعلى طول رد علي...وقال انه كان مريض امس وكان تليفونه على الصامت...وتم يخاصم اني ليش دخلت اهلي واهله في الموضوع وقالي انه كل ما دخلتي احد في مشاكلنا كل ما اعند اكثر....ارجعي لبيتك احسلك ما بينفعك عنادك ولا دلعك...وقعدنا نتناقش اليييييييييييييييييييييين ما ان شاءالله تفاهمنا....
وتبون الصدق تعلمت كثييييييييييييييييييييييييييييييييييير اني خلاص معاد ازعل على اي شي ..ولا عاد اطلع من بيتي...(( زي ما قلتولي ونصحتوني يالغاليات)) ...ولا عاد ادخل اهلي او اهله في مشاكلنا...(( والله نصايحكم على العين والراس وفعلا معاكن حق )) ادعوووووووووووووووولي

وبكرة قال بمر عليك.....اخذلك لبيتنا..............طبعا من الزعل ما حنيت للعيد,,,ولا تصلحت فابغى الحين اتحنى واترتب عشانه.....

مشكورات على وقفتكم معي ...وهذا يعود بفضل الله وخاصة سورة البقرة...وبفضلكن...

وخلوها درس وعبرة لكل وحده فكرت تدخل اهلها في مشاكلها الزوجيه,,,,,