أرجوكم ارجوكم أرجوكم ساعدوني في معاناتي..

شوفوا يابنات معاناتي مع ولدي وهو أول مولود لي لسه ماجبت غيره

وعمره الحين سنه وسته شهور ...

المشكله أني أحس أنه مايحبني دائم يفضل علي أي أحد (بس مو أي أي أحد)

يعني أمي أو زوجي أو أخواتي طبعا هو ماهو أجتماعي لأنه الطفل الأول وزي

متعرفوا إن الطفل دائم يكون يخاف من الناس وأي أحد يجيني ويحاول أنه يكلمه

أو يسلم عليه يقعد يبكي :icon33: بس أنا معتبره أن هذا شي عادي لأنه ماهو متعود على

أحد لحاله في البيت وكثير من ألأمهات قالوا لي أن هذا شي عادي بمجرد مايجي

له أخت أو أخو يتغير الوضع لكن ماهي هذي المشكله..
:06:
المشكله زي ماوضحت لكم في البدايه.. ليه يفضل غيري حتى لو كان زوجي أو أمي طبعا أنا مو

قصدي ماأبغاه يروح لهم لا قصدي إن لما أكون أنا وياه في البيت لوحدنا يكون متعلق

فيّ وبس معايه وإذا جاْت أمي ماعاد يعرفني ومايبغى ينام ألا معاها وأذا

جيت أعطيه شي يرفض يأخذه مني ويأخذه من أمي أو أحد أخواتي يعني مرره

مايبغاني وأقعود أقولهم أنه ماكان كذا قبل مايجوا يقولوا لي طبعا ماكان موجود

ألا أنتِ لا زم يتحملك (طبعا على سبيل المزح) لكن صراحه كلامهم يأثر فيّ .... حتى

لو كنت أنا وأمي عند أي أحد وضربوه الأطفال :024: يجي يبكي عند أمي يعني مره ماهو

معّبرني لدرجة الناس يستغربوا ويقولوا لي أنتِ متأكده أنه ولدك ( بمزح) طيب ليه

مع أني مدلعته ومهتمه فيّ كثير :7_18_2: صدقوني أقعد أبكي دائم لما يروحوا أهلي والقاه يرجع

لي ..أعرف أنه مارجع ألا عشان مافي أحد موجود ..

وقبل كم يوم كانوا أهلي موجودين وهما خارجين قعد يبكي عليهم لدرجة أنه يبغى

يموت قامت رجعت أمي وطلبتني أنها تأخذه عشاني حامل وتعبانه وعشانه يبكي

وافقت عشان لايموت عليّ مع أن أهلي في مدينه وأنا في مدينه ثانيه يعني بيننا

ساعه ونصف :3_10_6: ومانتقابل ألا نهاية أسبوع أو أكثر..المهم هو ماهو موجود عندي

اليومين هذي وأنا بموت عليه قاعده أبكي وأذا كلمت أهلي يقولوا أنه مبسوط

وأحيان تقولي أختي ليه تبكي عليه والله مبسوط :laugh2: وماهو سأل فيكِ وماكأنه فاقد أحد :7_5_131:

بالله عليكم وش أسوي ساعدوني طبعا هو الحفيد الأول في العائله :04: عشان كذا

متعلقين أهلي فيه مررررررره أرجوكم ساعدوني وقولوا لي ممكن بعد مايكبر

يرجع يحن لي ولا خلاص مافي أمل :06: والله عارفه أني طولت عليكم مره بس سامحوني

حبيت أفضفض لكم وأشكي لكم وياليت ألقى مساعدتكم...