أرجوكم الحكيمات يساعدوني الله يسعدكم دنيا وآخره 💕

السلام عليكم ورحمة الله وبركاته

بعطيكم نبذه عني وعن حياتي قبل أبدا بالمشكله اللي احتاجكم تساعدوني فيها
أنا طالبة انتساب وعندي طفلين متزوجه لي ثلاث سنوات ماشاالله

أنا وزوجي تحصل بينا مشاكل كأي زوجين وحصلت مشاكل كبيره مرره ومشاكل تافهه وأروح لاهلي ايام وأسابيع ثم نرجع نرضى وكذا

السالفه هالمره زوجي يداوم من الصباح الى الساعه ٣ العصر ويروح الدوام مواصل يعني يطّلع من الدوام ينام المغرب يصحى ع الساعه ١٢ الليل ويجلس عليها

المهم كثيررر تأخرت على روحتي للكليه كل مره ااجل بسبب أني ابي أودي أطفالي لاهلي عشان اروح للكليه والأخ بكل مره يرفض بسبب ما يقدر يركز خلاص يبي ينام وماله خلق

مره كان بيوديهم طلع من الدوام بعدها راح للاستراحه فترت العصر اتصلت عليها قلت متى ترجع قال نص ساعه قلت اوك وجاء نفسه بخشمه يبي النوم
وولدي خرب ألوان التلفزيون جلس يتعبث بالريموت وبس يتأفف ويسب ويحاول يصلحه من الإعدادات وولدي يقوله بابا ويرد عليه ابوه كل تبن بس
ويرمي الريموت بالأرض
أنا انقرفت رحت وتركت له المكان مو لها الدرجه طفل عادي
كنت بغرفة النوم جاء يبي ينام ما فاتحته بالموضوع عشان يودي الصغار
جاني يتودد يبي الفراش أنا منسده نفسي كل همه نفسه طيب وانا
حاولت ابعد عنه قالي يلاا انقلعي شتبين اجل ع السرير
رحت وتركته كلمت اهلي يجون يأخذون عيالي جلست أمي تسب تقولي إنتي بارده أصلا كل مره تأجلين روحتك للكليه
طيب وش أسوي عيالي اشيل همهم واللي عندي نظامه بكل شي ملخبط بس أدور الوقت اللي يكون فيه مروق
بعد التهزيء من أمي مرا أبوي بيجي يأخذهم ومرا اخوي و و و
بالاخير جا اخوي وخذاهم
صححى الأخ اخر الليل وكنت مسويه اكل راح يحميه ويأكله ومايحاكيني ع أساس زعلان تركته رحت تحممت واكوي ملابسي واتجهز لروحتي للكليه طبعا هو طلع للاستراحه بيرجع يلبس وقت دوامه رسلت له ع الواتس لو سمحت ابي اروح للكليه قال الساعه كم قلت قبل روحتك لدوامك
رحت للكليه فاتني امتحان ولازم عذر واشياء فاتتني وحاله جاء اخذني الساعه ١٢ الظهر وداني البيت وماتكلم كلمه نزلني ورجع لدوام أنا نمت وصحيت قبل المغرب بششوي أبي اروح لاهلي عشان عيالي واجلس عند اهلي يوم يومين
المهم كان هو جالس ع اللاب توب قلت له تبي أسوي عشاء قال لا بنام قلت طيب تكفى قبل تنام و دني لاهلي عشان عيالي يحتاجوني رفض قال ما اقدر تعبان أبي انام المهم سكت قلت بنفسي بكرا عشان اخر يوم وبعده اجازه
رسلت لي اختي متى بتجين تأخذين عيالك أمي مرا تعبانه متأثرة من وفاة صديق اخوي واخوي انهار علينا وتعب
رجعت اترجى زوجي تكفى وقلت له السالفهلازم اروح ونفس الشي رفض وقال ليش تودينهم قلت الكليه لازم اروح لها
رحت كلمت اخوي الثاني لانه جاي من مكان شغله عشان يصلي على صديق اخوي
قلت له تكفى تجي تاخذني أمي تعبانه ومو قادره على عيالي قال خلاص تجهزي
استأنست رحت قلت لزوجي زين اخوي موجود بالديره وبيجي يأخذني مارد علي الأخ
رحت ألم اغراضي
كلمتني أمي ع الواتس تسألني متى بجي قلت بجي بعد شوي قالت اجهزهم قلت لا بجلس عندكم قالت ليش عسى ماشر قلت عادي لي أسبوعين ما نمت عندكم قالت مادري على بالي بتأخذين عيالك
جوالي مقطوع دخلت على زوجي ابي جواله عشان أكلم أمي دورت جواله ماحصلته قلت له وين جوالك بكلم أمي آثاري الأخ يسوي روحه نايم ومدخل الجوال تحت المخده طلع الجوال مفتوح وقعد يدور الرقم ثم كلمت أمي قعدت افهمها ان زوجي مواصل ومايقدر يجيبني وكلمت اخوي يجي جلست امي تهاوش ليه اخوك تعبان أصلا قلت وش أسوي اختي ترسل تعالي خذي عيالك امي تعبانه وزوجي رافض عشانه مواصل ويبي ينام وانتي عشان كلمت اخوي تهاوشين وش أسوي ثم قعدت اصيح وامي عصبت أني ابكي وكذا وحطتني ولا شي وزوجي يسمع وانا أصيح ثم رحت عطيته الجوال ورجعت لصاله ابكي ويسمع وانا ابكي وأقول وش أسوي أسوِّق ولا اطير انقهرررررت خلاص قام سكر عليه باب غرفته وخلاني
اخوي اتصل بعدها بشوي وطلعت
مدري وش أسوي الحين امي وأبوي حاطيني أني غلطانه باللي سويته مع أني اشوف ما سويت شي والله مدري من اللاقيها منه

بنات الله يسعدكم وش أسوي الحين تعبت وتتفخت عيوني من البكي منقهره كل شي يجيني بالحسره والمشكله

لاتقولون زوجي أحسن من غيره حصلت في جواله بنات بأسماء مبهمه بنات من شغله بس ما كان يكلمهم بقلت أدب عادي كان حكيه مع أني طحت بالصدفه كان ولدي يلعب بجوال ابوه كان يسألها عن نقل ما نقل والثانيه ترسله بيسيات عاديه وهذي اعرفها وأعرف شكلها يعني هي اللي فاتحه لي ملف وكذا طبعا ماسكت قومت الدنيا ماقعدتها رحت لاهلي وراضاني بعد ٢٠ يوم من الهواش
وراعي سهر وشيشه ومقاطع تحوم الكبد من الوقاحه وكل هذا زعلت عليهم ثم تأقلمت


اللي ابيه يابنات وش أسوي الحين أكلمه ولا اسكت ولا وش اسوي اخاف يسحب علي عند اهلي مع أني ما اشوف أني ماسويت مشكله او غلط قولوا اذا أنا غلطانه واخاف يقول مثل ماطلعتي ارجعي انتي
وزوجي مو كله عيوب حنون وطيب وكريم الحمدلله مع انه كلامه وسخ بس تعودت

تكفون النفسيات لا ينكدون علي زياده

وسامحوني على الإطاله الله يفرح قلوبكم ويسخر لكم 🌹💐