قرأت الموضوع0000 حماتي بتسافر معانا وانا مابي000

بصراحة شطت غضبآ ضنآ مني أنها أمة000 لأننا نسمي والدة الزوج حماة

ولم أتوقع أن أختة هي الحماة00 ماعلينا

لكن ممكن تكلمينها باسلوب لبق 000 انك تريدين ان تسافري مع زوجك فقط

وهي وعلى حسب عمرها ستتفهم الموضوع 000

او الله يعينك لازم تتحملينها 00


واخيرا انا مع راي الاخت more

جزاها الله خير

شوفي ياغالية مالك الا انك تحاولي تخلي زوجك يكلم امه او اي احد ممكن يكلم اخته بطريقة لطيفة
او ان زوجك يوعدها بسفرة لحالها هي
او مثلا اذا احد اخوان زوجك مسافر وهم كثير عدد يعني بزارين وحوووووسة ممكن يحاول يقنعها بطريقة غير مباشرة تسافر معهم مو معكم انتم لان انتم توكم عرايس وهذولي عدد ماشاء الله عندهم عالم لاهيين فيهم اصلا ماراح تفرق وحدة زيادة
او انك تستلمي للامر الواقع وتسافر معكم والله يعين

استغفر الله شنو هالنحاسة .. اكيد البنت ما قالت بروح معاكم اكيد انتو اللي حليتو السفرة بعيونها وعزمتوها اي كلام وهي المسكينة علبالها صج وعزمت على الروحة علبالها بتستانس معاكم وانتو بتونسونها ... على فكرة مرة اخوي ومرته بيسافرون وعزمو علي بالذات الا تروحين معانا وهو يتصل وهي تتصل وانا مو راضية ادري فيها نحسية وقلبها استغفر الله اعلم فيه ومارضيت الا لما كلهم اغصبوني على السفر وقالوا لي تري كيفك حجزنا لك وانتي بكيفك انا ادري اخوي يبيني استانس معاهم ومرته علشان اخوي عزمت علي ولا لو ترد عليها ماقالتها ولما شفت الكل راضي رضيت بشرط امي تروح معاي علشان ما يضيق خلقها ولا انا اتوهق بينهم وياريتني ما رحت لحد اليوم انا وامي متذكرين هالروحة استغفر الله طلعت من جبدنا حتي روحة للسوق مع بعض حمقانه وما تتكلم معانا ونفسها خايسة واستغفر الله قلنا كيفهم يمكن متضايقة ولا شيء ما تدخلنا عقبها قامت من نرجع من السوق طبعا ما تشتري اي شيء خايفة نشوف شنو شرت من نرجع من السوق تعبانين واخوي تعبان ترجعه مرة ثانية وتشتري بروحها ولا اخر ايام هالسفرة واااااااااااااااااااااااااااي ما ابي اتذكر على فكرة تري احنا ما سافرنا وناسة احنا رايحين الحج يعني صج مو وقته حتي النومة طلعت من غرفتنا ولزقت في عايلة ثانية ونامت عندهم .... ولما رحنا مني للمبيت ما نامت جنبنا راحت نامت اخر الخيمة بس علشان اخوي لما يكلمنا يناديني ما يناديها وكل الازواج ينادون زوجاتهم وهي زوجها ينادي اخته وعصبت علينا وحنا مالنا ذنب ولما رحنا نرمي الجمرات اخوي ماسك زوجته واحنا نركض وري الحمله بروحنا ولا لما رمينا الجمرات وقفت هي عقبنا وقالت لزوجها تري مالقيت جمرات دور لي وراح يحوس بالارض ويعطيها ومافي داعي اقول لكم على الزحمة والناس اللي تتدافع من كل صوب زين ما صار في اخونا شيء وهي تناظرنا وتتضحك ... استغفر الله يبيلي اروح مرة ثانية احج مو مرتاحة للي صار لنا ...

اختي نصيحة انتي قولي لزوجك يقول لاخته تري ماليقت حجز لها على الاقل تزعل اشوي وهي في بيت اهلها احس ما تشيل هالسفرة بقلبها العمر كله ... وان شاء الله زوجها يسفرها ولا الحاجة لاحد

خوااااتي جزاكم الله خير على الرد أياً كان ... بس حبيت أوضح بعض الإمور ... أهل زوجي .. هم هلي .. وعلاقتنا ما شاءالله جداً طيبة والحمدلله .. وأنا متأكدة من حب أخت زوجي لي .. وأنا بعد أحبها .. والموضوع ماله علاقة بالأنانية مثل ما بينوا بعض الخوات .. كل مافي الأمر أنه من حقي أعيش مع زوجي الجو اللي يناسبنا ... بالذات أن احنا متزوجين من سنة بس ... وماعندنا يهال ... نبي نببسط ... وأنا ماعندي أي مانع أنها تسافر معانا ... بس مش دايماً ... وأعتقد هذا حقي .. وفي فرق خواتي لما تكون السفرة جماعية ... يعني مايكون الشخص الثالث عذول ...عن نفسي مستحيل أسافر مع أخوي وزجته .. حتى لو ألحوا علي ... إلا إذا في مجموعة .. أصلااا انا ما راح أرتاح ... بكون مستحية ومنحرجة ..
والخوات اللي أقترحوا نوصل لها المعلومة بشكل مش مباشر ... هي كبيرة وفاهمة ومثقفة .. والإمور هذي ما تمشي عليها .. وبعدين مابي أحرجها .. لأنها وبكل ذوق اسألتني ... ( ممكن أسافر معاكم .. إذا تبون تروحون بروحكم .. عادي قولوا ) .. بس الوضع محرج مايسمح أقول لها اييييي نبي نروح بروحناااا ... وأما أن زوجي يقول لإمه أو أخته ... بعد لااااا لااااااا لاااااا ... أنا ما أرضى أحط زوجي حبيبي في هالموقف البايخ ...
آآآآآآآه الله ييسر الإمور من عنده ... وبطريقته سبحانه