أرجوكم ساااعدوني أريد حل لمشكلة صديقتي ترى تتحطم حياتها أمام عيني راح اموت القهر.....

عندي صديقتي وااايد تعبانه من حياتها، مشكلتها بدأت بهموم والظاهر راح تنتهي بهموم ،وأنا تعبت معاها، والمهم الحين عندها مشكلة مع زوجها،هي متزوجة صارلها سنة وشهرين تقريبا، في بداية الزواج كان كل شئ أوكي وهي تحب زوجها وهو يبادلها نفس الشعور يحبون بعض وما يستغنون عن بعض حتى كلنا نقولهم انتم مثل البلابل ماشاء الله ،المشكلة بدأت بعد ستة شهور ، أنه زوجها صار مايهتم يروح الى الدوام ، صار يتغيب عن الدوام ومايهتم يروحله وكلما حاولت تصحيه من النوم يقولها بعدين ، بعدين،
حتى انتهى المطاف بتفنيشه من الدوام ،
وهو ظروفه صعبة وظروف اهله نفس الشئ صعبة ،
وكلما هي تحاول تشجعه انه يدور على وظيفه ثانيه مايهتم لكلامه
وحاولت تدخل طرف ثالث من اهله وكلهم شجعوه انه يدور على أي وظيفة تمشي حالهم وهو يرفض ،
وأنتم عارفين ان الحياة ما ترحم ، الحياة تحتاج الى متطلبات وواجبات ومناسبات ........إلخ.
وحصلت عدة مشاكل بينهم حتى انتهت انها طلبت الطلاق وبعد أسبوع طلقها زوجها،
وحس بالندم وراح يزورهم يريد يردها بس هي رفضت لأن المشكلة ما راح تنحل لأنه مادور على وظيفة ،
والله هي وااايد تحبه وهو نفس الشئ يحبها موووت بس هذي قسمة ونصيبها ،
أرجوكم عطوني حل لهذي المشكلة لأني ما أقدر أتحمل أشوف صديقتي تنهار أمام عيني وانا مكتوفه اليدين .
واسفه لأني طولت عليكم وأزعجتكم وشكرا ........