مها الإمارات @mha_alamarat_1

محررة

أرجوكم ساعدوني..أبغي بيت إيجار في دبي

السلام عليكم ورحمة الله وبركاته

أبغي بيت إيجار في دبي... 3 غرف ( او غرفتين وغرفة للخدامة) وصالة ومطبخ وحوش صغير... وما يزيد سعر إيجاره عن الـ 55 ألف درهم في السنة...ويكون إما في الراشدية أو مردف أو المزهر أو البرشاء أو أي منطقة غير القصيص أو الطوار أو السطوة...

تعبنا واحنا ندور..أرجوكم ساعدوني..لأني مستضيقة أنا وزوجي وعيالي...وسعوا عليّ الله يوسع عليكم دنيا وآخرة يارب...

529

يلزم عليك تسجيل الدخول أولًا لكتابة تعليق.

تسجيل دخول

hanadie • 19 سنة

موجود والسعر يبتدي من 50
بالطوار و القصيص
بس شوفي الوسيط أو الصفحات الزرقاء أو الوصال(جرايد دعاية مجانية)

~ pinkberry ~ • 19 سنة

الغاليه انا عندي رقم مكتب متعامله وياه

وصاحب المكتب مواطن ومهذب جدا في المعامله

انا تعاملت وياه لانه اجر لي بيت

اذا تبغين الرقم بطرشه لج

أم شيماء • 19 سنة

السلام عليكم أختي

الله يسهل عليكم أختي وييسر اموركم وان شاء الله تحصلين البيت المناسب

تفضلي هذا الموقع ممكن تكتبين طلبج

دليل الامارات العقاري

وهذي مواقع ثانية

http://www.scan.co.ae

http://www.move2emirates.com/jobs.htm

ان شاء الله يفيدك

حزينه زايد • 19 سنة

ألغاليه انا عندي رقم واحد مواطن وهو ماشالله عليه يتاجر في تأجير البيوت و بيع الاراضي راسليني عالخاص اذا حابه تاخذين رقمه وانا متاكده انه مابيقصر وياج

مها الإمارات • 19 سنة

شكراً خواتي على الردود والمساعدة...

أخواتي ~ pinkberry ~ و حزينه زايد ..ممكن اطرشولي الأرقام على الخاص..

وانا بعدني بدور والله كريم إن شاء الله...بس اللي عنده لا يبخل علي...