أرجوكم ساعدوني..ابي حل

ياليت تتجاوبون معي الله يجزاكم خير والله اني في كرب عظيم
وخاصه ان لي سنه على هالحال واخاف تستمر

وش سبب اللي جاني ليش صارلي كذا .الحمدالله على كل حال💔

حبيبتي علاج الاكتئاب بعد الولاده معروووووف
الرقيه الشرعيه والمداومه عليها لحد ماتتشافين مره يعني شهر ومافوق
امي جاها اكتئاب نفاس باخر العنقود
صارت تبكي بكاء شديد وضيق شديده ولا تتحمل حالها خوووووف ماتدري من ايش وضيقه وتبكي من غير سبب
وهي بالنفاس راحت عندنا لشيخ معروف يرقي من اول يوم رقيه وصدرها منشرح ومرتاحه
استمرت تروح له شهر كامل يومياً امي معذوره ذاك الوقت انها تروح لشيخ لانها ماتعرف تقراء ولا تكتب تعرف بس السور القصار
والحمدلله تشافت ١٠٠٪‏ بفضل الله ثم الرقيه الشرعيه
بعد ماتشافت امي وقالها الشيخ انتي بخير خلاص لاتجين لانه هو قالها تحتاجين رقيه وقت طويل شوي يعني تقريباً شهر بعدين قالها خلاص انتي بخير ولا فيك شي هي اصلا ارتاحت من اول يوم واختفى كل الضيقه اللي فيها بس لو مارقت نفسها يومياً ذي الفتره كان رجعت لها الحاله بس هي استمرت الرقيه لحد ماتشافت ميه بالميه


وامي بعدها ماطلعت من النفاس ورتاحت وخلصت اشغالها وكبرت اختي وصار عمرها سنه وشوي دخلت مدرسه تتعلم والحمدلله الحين تقراء وتكتب وترقي نفسها اي وقت تحب وتقراء القران تقول الحمدلله ماعندي عذر الحين مايحتاج اروح لاحد يقراء علي كل ماعورني شي ولا تعبت ارقي نفسي بنفسي ورتاح

سجادة وصلاة وقرآن وخلي القرآن يسسسسدح ببيتك وبتلاقي الراحه حاولي تخففي من الجمعات والطلعات وأكتفي ببيت اهلك وزوجك وهدي من نفسك كثير واذا تحسي انك تتوتري تطلعي من بيتك لا تطلعي بس خلي القران بيدك طول ما انتي ف بيتك

الله يفرج همك يارب
اقري الاذكار يومياً
وارقي نفسك وخلي لك ورد من القران ماتخلينه ابداً
وكثري الاستغفار والصلاة على النبي
الله يشفيك يارب العالمين