شوفي اختي

انا حطيت نفسي بمكان صديقتك الله يبعد الشر عنا وعن جميع المسلمين
راااااااح ازعل عليك زعل كبير وباااااخذ موقف كمان....لو ماعلمتنيني ونبهتيني

بإختصار..اللي ابي اقوله لك.....بعد ماتتأكدين مئة بالمئة من الخبر......لازم تواجهينها
وتعلمينها بالحقيقه..الاسلوب الغير مباشر ماينفع بهالامور.


..لازم تتصرفين بكل إيجابيه...لكن بالتدريج....يعني جيبي
سالفه على سالفه...ومن بين السوالف
اسأليها انتي تخافين على زوجك من الخدم والا تثقين فيه؟؟؟؟طيب لو فرضنا انه
خانك مع خادمه لو كان امر بسيط وش راح تسويين....وشوفي وش تجاوب
ايا كانت اجابتها.....قوليلها المره العاقله...تتصرف بحكمه وفطنه وحذر...وتحاول
تشوف وش السبب اللي خلاه يخونها...يمكن تكون نزوة عابره....يمكن تكون الخادمة
اغرته على الشين...الشيطان مازال موجود.....وممكن يزين للإنسان عمل الفواحش
وكذلك الله لازال موجود.....ولازال فاتح باب المغفرة والتوبه....لكل عبد اغواه الشيطان
بأي فعل كان...يتوب عليه ويغفرله....فلازم المره العاقله...تشبع مواطن النقص اللي فيها
وتقوي الوازع الديني بزوجها...وتسامحه لكن على شرط يتوب عن هالعمل...وبعدها
توكلي على الله وقوليلها الحقيقه.....والله يعينها ويكون معها



اللي قصدته من حديثي انه يكون لها بمثل الاساس
والدليل اللي تستند عليه قبل الصدمه
علشان ماتتصرف بتهور
((((لان زوجها غريق ولازم تنقذه من الوحل ولازم تنقذ اسرتها وبيتها ))))
والله يوفقها ويوفقك

:24:

كلميها بهدوء وانصحيها بعدم التسرع
وخلها تسفر الخدامه بسكات بدون هواش علشان ماتباغض لها ويمكن تضرها
اما بعدين خلها تهتم بنفسها اكثر وبزوجها طبعا

اخواتي العزيزات: مرآة نفسي .. ابتسامة نور .. المتغـلية .. عنوووده .. رمايه :

مشكورات خواتي على المشاركة .. ألف شكر .. والله مالي الا الله ثم انتم ..
بالنسبة لزميلتي هي ماتقصر مع زوجها هي اللي تطبخ له وهي اللي تسوّي كل شي الا الغسيل طبعا والكنس بس كل شي يختص بزوجها هي اللي تسويه اما الخدامه مالها شغل بزوجها ابد .. والخدامة ماجلست الا علشان امه (ام زوجة زميلتي ) وامه عجوز لازم يصير عندها احد يراعيها شوي .. ولو سفــّــروها ماراح ترتاح ام زوجة زميلتي لازم يصير عندها خدامة .. وخوفي افاتحها بالموضوع تشك فيني اني راح اخرب بيتها ... وهي بصراحة انسانة طيبة مرة ..
اللي قاهرني ان عياله من زوجته الثانية(الله يرحمها) كبار اعمارهم على 30 , 27 , 25 سنة .. ومهملهم مايعطيهم وجه ابد .. والا لو تشوفين حالتهم كان ماتقولين هذولا عيال هالشايب ( حسب كلام زميلتي ) ..
وانا اقول ورى كل ماتصلت عليها في الاجازة الصيفية دايم تقول عند اهلي .. طلعت المسكينة ماتدري وش اللي جالس يصير .. حتى هي من نفسها تقول لي .. مستغربة زوجي كل ماقلت له بروح لاهلي يقول يالله بدون تردد ..
وهي المسكينة عندها بنتين وولدين ... البنتين عمرهم 6 , 4 سنوات .. والعيال اعمارهم 5 , سنة ونص ..

والله اني راحمتها مرررررررررررة ودّي اخليها توقــّــف زوجها عند حده .. والله العظيم انها ماتستاهل اللي يصير لها ..
ياحسافة زميلتي والله على هالشايب .. والله حرام تاخذه .. والقهر انها مشالله عليها مملوحة مرة ..
هي بصراحة ماقصرت مع زوجها .. ولو يقولها زوجها طبّي من السطح .. طبّت .. من زود ثقتها فيه ..
مادرت وش اللي يصير من وراها ..

عموما ً زوجها هذا لعب على زوجته الأولى (الله يرحمها ) أخذ منها فلوسها كلها ( كانت وارثة ملايين ) وقام يتاجر فيها ويفتح فيها محلات ويكتبها بإسمه وزوجته المرحومه من حبها له ماتقوله شي ..

يكون بعلمكم ترى زوجته الأولى مادرت عن زواجه من زميلتي الا يوم دخلت عليها زميلتي ..

طلع الرجّال خاين من زمااااااااان ..

ماودّي نطلع من الموضوع .. ابيكم تقولون لي وشلووووووووووون اخليها تدري عن الموضوع وتوقــّــف زوجها عند حده ..

نهايه ......كتبت لك رد فوق

وفيه الطريقه اللي اقترحها

وانتي براحتك

والله يكون بعون صديقتك

اختي العزيزه المطلوب منج ماتدخلين بين زوج وزوجته من راي لانه بكرة يتصالحون وتروحين فيها خليها تخلق مشكله مع الخدامه وتقول انها ماتريده:26: بس شو الي يضمن انه مايخونها بره البيت خليها تعقل والله يهديهم:27: صدقيني مافيه بيت يخلا من المشاكل بس الواحد يقول الهم استر