أرجوكم ساعدوني

السلام عليكم ورحمة الله بركاته أخواتي أنا جديده عليكم وأبغاكم تساعدوني أنا أعيش بهم وبغربه وعايشه حياتي بقهر واتمنى الموت في كل لحظه والله لومالأنتحار مو حرام كان أنتحرت عشان أرتاح من هذي الدنيا أرجوكم ساعدوني والله محتاجه أحد يساعدني ماعندي أحد ولا أخت أشكيلها أول ماأشكي لأمي أو زوجة أخوي ينقهرون علي ويبكون من القهر لدرجة إني ماني قادره أشكي لأحد مصيبتي إني كنت عايشه قصة حب من يوم عمري 17 سنه لدرجة أني تخرجت من ثانويه وماكملت وألحين عمري 23وكنت بأنتظار الشخص الي حبيته والله يعلم أني عمري ماكلمته ولا شفته بس من يوم أنا وصغيره يقولون لي انه خطيبي ورح يتزوجني عشانه ولد عمتي هو أكبر مني بسنتين المهم خطبني العام الماضي بعد مشاكل مع أخوه ألي أكبر منه عشان مايبيني أخوه وللحين ماني عارفه ليه وتحدى الجميع عشاني وأتفقنا الزواج يكون بالعطله هاذي المهم يوم باقي على الزواج شهرين بعد ماراح مكه أخذ عمره وبعدها راح المدينه وصلى بالمسجد النبوي صلاة العصر وأول ماطلع من المدينه جاء عليه حادث ومات الي قاهرني انه حادث بسيط بس أنا مؤمنه بقضاء الله وقدره حسيت وفاته وفاه لي أنا ومن يوم مات أموت في اليوم مليون مره لي أربعه شهور وأنا عايشه بهم مايعلمه الا الله وكل يوم أبكي عليه وماني قادره أنساه أرجوكم ساعدوني والله أحس أني بموت