بسم الله الرحمن الرحيم
انا عضوه يديده عندكم .. وارتحت حق المنتدى وحسيت انكم شرات الخوات ...
عندي استفسار بسيط واتمنى انكم تساعدوني الله يخليكم لانه هالموضوع وايد متعبني ... :(
انا حامل صارلي 11 اسبوع على حسب دورتي ...
قبل يومين سرت عند الدكتوره شيكت علي من بطني بس ماوضح له الجنين وايد فبعدين شيكت علي عن طريق المهبل .. شافت كيس والجنين موجود داخل واضحين والكيس سليم قالت لي عمر الجنين 6 اسابيع و4 ايام ومافيه نبض ... المهم فقالت من شكل الجنين يوضح انه كان فيه نبض بس وقف<<<<< وعلى فكره هذي اول مره اسوي فيها فحص يعني من قبل ماشيكت ولا شفت نبض الجنين ...
قلت له يعني شو دكتوره قالت يعني الجنين مات صار له شهر واسبوع انا انصدمت قلت لها دكتوره كيف ميت وانا مانزل مني دم ولا مغص ولا شي معقوله شهر واسبوع ميت بدون تاثيرات .. قالت لي عادي مافيها شي عطتني اسبوع مهله وقالت لي ارجعي مره ثانيه عسب اعطيج حبوب تنزل البيبي ...
انا عوارض وحامي ماكانت وايد قويه يعني كنت اتوحم عالخفيف ... بس كنت وايد اشتكي من الالم اسفل الظهر من بدايه حملي .... والمشكله هاليومين احس نفسي ايوع بسرعه يعني اكل بس بعد ساعه احس بيوع ما اعرف ليش ...
على فكره قبلهابيوم انا سرت عند دكتوره ثانيه وقالت نفس كلامها بس ماقالت لي انه ميت قالت لي عادي تعالي بعد 3 اسابيع وبشيك عليج مره ثانيه وقالت اشربي كوبين حليب وتمي على حبوب الفوليك ... بس انا ما ارتحت عسب جي سرت عند هالدكتوره وقالت لي انه مات والله اعلم ...
..
بنات فيدوني الله يخليكم ..
عادي يكون الجنين ميت هالمده كلها بدون عوارض تدل على موته مثل نزيف او عوار في البطن ؟؟؟
احساسي باليوع الشديد بسرعه هل يدل انه الجنين بعده حي ...؟؟
كيف اعرف اسباب موت الجنين ؟؟؟
ومنو صار لها نفس موقفي وكان الجنين حي ...؟؟
وكبر حجم البطن شو معناته؟؟
الله يخليكم ساعدوني ... والله يرزق كل وحده فيكم بالذريه الصالحه ..
غايه .. @ghayh_6
عضوة جديدة
يلزم عليك تسجيل الدخول أولًا لكتابة تعليق.
قلبي ايه عادي يجلس الجنين طول هالمده وهو متوقف نموه ولا تحسين بشي الله يعوض عليك يارب الله يرزقنا جميعاقلبي ايه عادي يجلس الجنين طول هالمده وهو متوقف نموه ولا تحسين بشي الله يعوض عليك يارب الله...
فعلا كلام اختي قلبي مع عيالي صحيح وبعد تحسين الوحم خف عن اول
ومسألة الجوع اتوقع لانه خف الوحم رجع اكلك طبيعي اتكلم من واقع تجربه مسقطه سبع مرات
وهذا مايمنع انك تصبرين اسبوع او اكثر
والله يعوضك ان شاء الله
ومسألة الجوع اتوقع لانه خف الوحم رجع اكلك طبيعي اتكلم من واقع تجربه مسقطه سبع مرات
وهذا مايمنع انك تصبرين اسبوع او اكثر
والله يعوضك ان شاء الله
الصفحة الأخيرة
الله يعوض عليك يارب
الله يرزقنا جميعا