والله نفس حالة بنتي عمرها 8شهور وترضع طبيعي ونحيفة جدا ورافضة الصناعي نهائي وما تمسك الرضاعة ولا تشرب عصائىر والاكل نهائي ما تاكل بس تشوف الملعقة تبكي وتلف وجهها وادا غصبتها تتفه والله اني احترت معها نحتسب الاجر بس ان شاء الله انهم يكبروا شوي ويصيروا ياكل نتفائل خير

ان شاء الله يا اختي و الله كثير تعبني الله يحفظهم ان شاء الله يكبروا شوية و بيصيروا ياكلوا

نفس مشكلة بنتي ..رافضة الرضاعة الصناعية..
وانا ابغاها للضرورة خارج المنزل او في اوقات معينة.
ومثلك اتمنى ألقى حل...
.......
المشكلة اننا مانعودهم على الشيئ بدري وبالتدرج...
بعض الاطفال رغم صغر سنهم الا انهم يتقبلوا يكتشفوا الاشياء ويجربوها ولو بكميات قليلة جدااا ومع الايام يتعود ويتجرئ..


لكن حين نتأخر عليهم يصبح الامر صعب

افضل انه مايشرب الببرونة ممتاز ماشاء الله. ابدي عوديه على الحليب او اللبن حطي شوي مرة مقدار بسيط وخليه يشربه ممكن يتفه بس بيتعود عليه يقولون ان الواحد عشان يبداء يتعود على أكله مايحبها لازم ياكلها كمتوسط ١٧ مرة انتي استمري. وأعطيه زبادي اذا صار عمره يسمح
وخضار خاصة الخضراء ( فيها كالسيوم ) وطلعيه للشمس كل يوم شوي. وتجنبي العصائر حتى لو طبيعية. الأفضل تهرسين الفواكه ويتعود يأكلها كذا بالألياف ويأكل أكله ويشرب ماء وحليب ماله داعي الأكل زي الفاكه ينعصر. كثير دراسات حديثة تحذر من العصائر. لانها تبداء عملية هضمها في المعدة وماتاخذ الوقت الكافي في الفم فمكن تزيد احتمالات الإصابة بالسكر
خلي ترضيعك لك ٥ مرات في اليوم ٣ وجبات ومرة الصباح ومرة قبل النوم. بعدين ابدي بالغداء دخلي اكل شوي وكلميه برضعة وزيدي الاكل حبة حبة حتى تقطعين رضعة الغداء وتصير وجبة بعد كم يوم ابدي بالعشاء شوي شوي حتى يتحول لوجبة ثم الفطور. بيصير طفلك ياخذ ٣ وحبات كاملة ورضعتين وحدة قبل النوم ووحدة الصباح. بتصيرين تطلعين وتروحين بسهولة
يعني اذا كمل سنة له رضعتين فقط في اليوم
اذا بغيتي تفطمينه العي رضعة الصباح كل يوم نقصي من وقتها ثم ألغيها اذا هداء الطفل ابدي الغي رضعة الليل وهي اصعب وحدة لانها تعني اكثر من الحليب نقصي وقتها تدريجيا يعني بدل ربع ساعة ١٠ دقايق لمدة ٣ ايام ثم ٧ دقايق وفضميه وهديه كلها اسبوع او أسبوعين على حسب الطفل وانتي فاطمته بدون تعب نفسي


وكني كثرت كلام لكن تذكرته وحبيت اكتبه يمكن احد يستفيد

اولا انا مافهمت مشكلتك اطلاقا الا لمن تكلموا الصبايا فعرفت المشكله ثانيا اذا ولدك يرضع تمام وينام تمام والاخراج عنده تمام فاابدا ماتقلقين ان شاءالله ان صحته حلوه
وبعدين حاول مثلا تسوين له سيريلاك بالقمح والتمر وخففيف خليه اثقل من الحليب بشوي وحطي له في رضاعه ووسعي فتحتها شوي وجربي شوفي بيحبها اولا او اي اكل اهرسي له وخلي قوامه خفيف وحطيه في رضاعه ووسعي فتحتها شوي شوي الين يتقبل الاكل
الله يطمن قلبك عليه ويحفظه لك