أرجوكم لا تمسكوا الخشب
كلمة (امسك الخشب) كلمة خطيرة يا أمة محمد .. فيها إشراك بالله سبحانه وتعالى وحده لا شريك له
أى مخلوق من مخلوقات الله لا حول له ولا قوة من دون الله .. فما بالكم بقطعة خشب وهى جماد غير حى - ومع ذلك فهى تسبح بحمد الله- ؟؟
قال تعالى
( وَلاَ تَدْعُ مِن دُونِ اللّهِ مَا لاَ يَنفَعُكَ وَلاَ يَضُرُّكَ فَإِن فَعَلْتَ فَإِنَّكَ إِذًا مِّنَ الظَّالِمِينَ )
السبب فى كتابة هذه الرسالة انى كنت فى حوار مع زميلة انجليزية
وبعدين باقول لها : الشغل هادى النهارده
قالت لى : تاتش وود ( امسك الخشب (
وطبعا العبارة دى هم بيرددوها كتير ايضا
بس هى سألتنى: انتم عندكم اكيد بتقولوا حاجه مختلف عنها
قلت لها: لأ..بنقولها هى هى
قالت لى : بتقولوا امسك الخشب برضه ؟
قلت لها: نعم !!!
قالت: المسلمين بيقولوا (امسك الخشب)؟؟؟؟ معقوله؟؟؟؟
استغربت انها مستغربة أوى كده...
قالت لى: أصل الخشب ده المقصود بيه الصليب..خشب الصليب...
كانت اول مرة اعرف المعلومة دى فحبيت انقلها لكم لو ماكان حد عارفها..وبرجاء نشرها..علشان اللى مش عارف يعرف..
بدل ما احنا طول النهار عمالين نغنى:
امسكوا الخشب يا حبايب..امسكوا الخشب....
ويا ريت نعرف أصل كل حاجه بنقولها...بدل ما احنا كده بنردد تراث الغير
ملحوظة :
فضلاً عن ذلك أن كلمة امسكوا الخشب إذا كان المقصود بها دفع الضر أو دفع الحسد فهذا مخالف لعقيدة المسلمين الصحيحة
لأنه لا يحمي الإنسان إلا الله ولا يمنع الضر إلا الله ولا ينفع إلا الله
فإي شيئ مادي أو غيبي ( سوى الله ) يتم الاستغاثة به كخشب أو حجاب أو تعليق كفأو او حدوة حصان أو الاحتماء بقبر أحد الصالحين ، كل هذا يعتبر من الشركيات
فالأولى الاستغاثة والاستعاذة بالله
وصدق الله حيث قال ' فالله خيرٌ حافظاً وهو أرحم الراحمين ' .
منقول من ايميلي