أرجوكم محتاااااااجه لكم خواتي بعالم حواء

السلام عليكم ورحمة الله .. عالم حواء كنت اتابع من زمان ولازلت دايم أستفيد من نصايكم وتجاربكم جزاكم الله خير
من جد أنا بحيره مادري من وين أبدأ..
بنات زي كل وحده تزوجت و حملت من ثاني شهر وكنت بوقتها ادرس باأخر كورس بالجامعة عند أهلي المهم جهزت للولادة وكل شيء تمام المواعيد والمراجعة يعني كنت مهتمه بعد الولادة بنتي تفاجأت يقولو الدكاترة ان البنت التنفس عندها ضعيف وبعد الفحص تبين ان معاها تشوه حاد ضمور بالقلب الخبر كالصاعقة حتى اسلوب الأستشاري زفت قالي نجاح العملية 5% وثاني يقول ماراح تعيش اكثر من اسبوع طلبنا تحويل المستشفيات زي التخصصي والملك فيصل وتأخرو بالرد وتوفت بعد الولادة بتسع ايام الحمدلله على كل حال .. قلت يمكن من الحرارة صابتني سخونه بداية الحمل وتعب الدراسة ماحطيت فبالي.. بعدهابكم شهر حملت وجبت ولد سليم جلس بالمستشفى عشر ايام معاه صفار وطلبت يسوو له اشاعه للقلب وعطوني موعد بعد شهر الحمد كل شيء سليم ... وبعد كم سنه حملت وجبت بنت نفس الأحداث سبحان الله كأنها تتكرر حتى باحداث الولادة يالله قلت للأخصائي ايش السبب قال الله اعلم ثلاث ارباع امراض القلب مجهولة وقالي جبت طفل سليم قلت ايه قال الحمدلله مو وراثي ولافيه اخد بعيلتنا معه القلب او تشوه ولله الحمد قالي انتي احتمال عشان مو وراثي طفل سليم وطفل لا على طول كذا والله أعلم قلت والحل قال روحي اخصائية جينات يمكن تفيدك .. كلمت استشاري امراض وراثية قالي الفحص صعب مافيه طفل مصاب مافيه الا اني اروح لنفس المستشفى واراجع بحملي عندهم عشان عندهم تقارير عن حالتي والحمدلله الولادات بمستشفى حكومي انا من بعد ولادتي بنتي الله يرحمهم ويجعلهم لي شفيعات ركبت للولب ولي ثلاث سنوات ونص أنا إنسانه مؤمنه ولله الحمد وزوجي متفهم يقولي الي يريحك ولدي حبيبي احسه يطفش خاصه انا ساكنه بعيد عن اهلي محتااااره اشيل اللولب مره خايفه وأكره فكرة الحمل حتى ايش اسوي ابغى استفيد يمكن وحده سمعت نفس حالتي او مرت عليها لاسمح الله اطمني طولت عليكم اسفه اسفه اعذروني محتاجة أفضفض ودعواتكم لي .