أرجوكم هذه أول مشاركة لي ساعدوني أحتاجكم اليوم قبل بكرة دحين دحين

لالالا كل شي ولاتتركين المنتدىىى



مانستغني عنك يابنت الحلال هدي اعصابك وروقي وماصاير الا الخير انشالله

وحااسبي على صحة البيبي الزعل مو زين عشانه


بعدين ياقلبي اذا على زعلة اليوم مو مشكله


اتوقع انك منحرجه وماودك تكلمينه وتحسين انه ماراح يتقبل صح


شوفي لما يرجع من الدوام انشالله

حطي له الغدا >>>> هذا وجهي ان طبختي خخخخخخخ

امزح لاتزعلين ولاتتكلمينه


استغلي نفسك فاللحظات مادام دمك فاير وقلبك يغلي ومتضايقه عشانه وعشان نفسك

وروحي امسكي ورقه وقلم واكتبي له رساله مؤثره ولاتخلين بنفسك شي

قوليله اول شي وش كثر تحبينه ووش قد هو مهم بالنسبه لك وكل شي غيره بحياتك يعتبر ثانوي


ذكريه بايام اول وانك لما كنتي بصحتك وبوعيك<<< اللي يسمعني يقول انتي مجنونه الحين :17:


اكتبي يعني

حبيبي فلان اول شي اقدم لك اعتذراي عن تأخيرك اليوم والف بوسه على خدك

وابيك تعرف اني احبك كثير وانت اهم شي بحياتي

ولو كنت عارفه اني بغفي ولا اصحيك لموعدك كان سهرت طول الليل عشانك

بس نمت وانا عامله حسابي اني بقوم واصحيك ياقلبي

لكن وش اسوي فالبيبي حقك اللي مايخليني انام

وانا من الحين قررت اعاقبه اول مايجي واعطيه كف معتبر على موعدك اللي راح

واتمنى انك تحس فيني وتعذرني لان جواتي شخص ثاني ينام معي ويصحى معي

وانت عارف اني بالشهور الاخيره وتعبانه كثير

وانتظر منك انك توقف جنبي وتحسسني بمحبتك وخوفك علي

ولاتزعل مني كثير واذا تضايقت مني عاتبني لان العتاب صابون القلوب

وانا زوجتك حبيبتك اذا شلت علي بقلبك وش بقى اجل

واطبعي بالروج بوسه على الورقه وعطريها بعطر يحبه واكتبي اي شي بينكم او موقف تتوقعين انه يتاثر فيه


ولاوصيك اكشخي لما يجي وابتسمي >> اكيد هو بيكشر بس عادي اعذريه


ترا الرجال مايحسون بالحمل وتعبه خصوصا اذا كنتي من النوع اللي مايشتكي ولاتبينين تعبك


انشالله اكون افدتك ... واذا ماستفدتي اعرفي اني معك وجنبك واشاركك وجدانيا بكل شي يضايقك

واي وقت تزعلين تعالي هنا لخواتك يراضونك ويواسونك

الله يقومك بالسلامه يارب ويحنن قلب زوجك عليك :26:

ولاتنسين تطمنينا عنك

اشتري له هدية منبه


وقوليله انا ابي اتقاعد من هالوضيفة لاني بادخل بالتاسع ونومي ملخبط

وعشان تتعود عليه من الحين لانه لما يجي البيبي راح تنسين شكل الساعة اصلا وتنتظري تنامين على نومته


وما رح تضلك عايشه بالتوتر الصباحي



واليوم روقي شوي واشرحيله انه نومك الليله اللي راحت كان خرابيط

وديري بالك على البيبي

ههههههههههههههه ضحكتيني صفصافه على الهديه المنبه انا اقترح عليكي تسوين الغداء اللذيذ وترتبين نفسك
وتتعطرين وبعد هذا كله حطي الغداء وخليه يخلص اكله وروحي ارمي نفسك في احضانه ايه هين عاد البطن وارم هههههههههههههه لا اسمعي اقعدي جنبه وبوسيه واعتذري بكل هدوء وقولليه انا غصب عني والحمل عامل معاه عامايله وسوي حلا عشان يحلي ولا تعتذرين الا الحلا قدامك

الله يكون بعونك بس اذا رجع اعتذري له وبيني له انك عشان حامل تعبانه ونومك ملخبط

والله يوفق ما بينكم.....

أختي أم الجميع ( أعتقد أني وصلت متأخرة أخشى أن زوجك قد قدم من العمل ..ولكن أتمنى أن تكون الأمور على أحسن مايرام )
عزيزتي سأنقل لك تجربتي ( حيااااتي كلها تجارب ) وأتمنى أن تفيدك في حياتك القادمة وما قد تواجهينه من مواقف .. زوجي والحمد لله شخص رائع ولكنه كأي إنسان غير كامل ولا يخلو من العيوب .. ومشكلته أنه حسااااس وذكي ( نعم أعتبر الصفة الأخيرة مشكلة) وسريع الغضب وهذا بشهادته وشهادة أهله المقربين منه والذين كانوا يقولون ( الله يعييييينك عليه عناد قبيلته كله فيه ) ولديه من العنفوان حدث ولا حرج .. ولكوني أصغر أخواتي نالني من الدلال الشيء الكثير وأيضا كانت شخصيتي عنيييدة جدا وحساااسة .. فلك أن تتخيلي كيف يمكن لرجل وامرأة أن يعيشا سويا وهما بهذه الطباع .. حاولت في بداية زواجي أن أغيره .. وعندما أحسست أن الأمر يحتاج إلى فترة طويلة خاصة أنه من النوع الذي لا يريد أن يتغير لاقتناعه بأنه لم يخطئ .. آثرت وقررت أن أتغير أنا .. لأني بتغيري سيتغيرهو بالتدريج .. كنت في السابق إذا أمرني بشيء أنفذه ولكن بعد أن أناقشه ( أختكم متعودة تناااقش ) لذا اتبعت خطة كي أمتص غضبه وكي أشعرأنا بالراحة والاستقرار.. كان يجب علي أن أخلع رداء الدلال الذي كنت أرتديه في بيت أهلي وأرتدي رداء الحكمة .. كان علي أن أتعلم الصبر هذا الذي سمعت عنه ولكن لم أجربه في حياتي .. كان علي أن أرضخ أنا التي كانت لا ترضخ لأي أحد أو لأي موقف .. كااان علي أن أتناااازل .. أنا التي لم أدرج التنازل في تعاملاتي .. كنت أشعر بصراع في داخلي زوجي لم أوافق عليه إلا بعد اقتناع وبعد استخارة تعدت العشرين مرة .. زوجي الذي لم أقتنع به إلا بعد أن درست إيجابياته وسلبياته .. فكانت إيجابياته تتفوق.. قررت إذا أن أتغير.. وياله من قرار صعب .. اتبعت فيه ما يلي :
حرصت على الدعاااء ..
وعلى حضور دورات ومحاضرات في الحياة الزوجية وأخرى في علم النفس ..
اشتريت أشرطة دينية عن فضل الصبر والزوجة الصالحة ..
حرصت على الصمت في لحظات الغضب وما أدراك ما فائدة الصمت ..
شاركت زوجي في اهتماماته ومهام عمله الذي يعشقه ..
وضعت في مرافق البيت أوراق طبعتها بالكمبيوتر ( السكوت من ذهب ) ( عليك بالصبر )
( إياك والغضب ).. وغيرها من العبارات التي كان يقرأها زوجي ويضحك ( حتى باب الخزانة لم يسلم من الأوراق )
حاولت أن أثمن كل لفظ أنطق به وأقدر عواقبه وما قد يفسره زوجي..
وأن ألبي له كل طلباته .. ولا أحااااسبه ( يعني اتركيييه على راحته ولا تقيديه)
وعند قيامي بأي خطأ غير مقصود ..
أعتذر برسالة أبين له عظمة مكانه عندي وندمي الشديد لما بدر مني .. أو لوحة كبيرة في البيت أكتب عليها آآآآآسفة يالغاااالي
والحمدلله استطعت أن أغير من طباعي حتى يتغير هو .. وهذا ما حدث بنسبة 70 % وما زلت مستمرة..
وأهم شيء أختي أن تحرصي على عدم إفشاء مشاكلك لأي من كان .. واجعلي مناجاتك مع
الحي القيوم .. تمنياتي لك بالسعادة ولاستقرار ( ولا تصيرين خوااافة قوي قلبك شوي ).. على الأقل في فترة الحمل ..