om_abadi :

بنات بكون صريحه وياكم واعذروني علشان تعم الفائده الجميع.. خصوصا انه الاغلبيه يخجلوا انهم يفصحوا عن هالمشكله حتى لو كانت مسببه لهم قلق.. بنات اغلب اللي يعانون من البرود الجنسي، يكون سببه عدم اندماجهم مع أزواجهم، ويعتمد على درجة الحب والانسجام بين الزوجين.. فالزوجه لما تشوف زوجها راغب فيها لازم تهيئ نفسها لهالشي، اللبس المناسب، الميكب، الدلع.. خصوصا والزوج اللي يشوفه بالتلفزيون مو قليل... يخليه يقارن بين اللي على الشاشه وبين ام عياله وتهيئها له.. الوحده لازم تقنع نفسها بأهمية هالشي في حياتها لاسعاد نفسها واسعاد زوجها بالطبع.. اهتمي بالنظافة الشخصية البسي زين تعطري من احسن مايكون تمكيجي زين تدلعي زين زين زين قبل ماتباشروا الجماع قولي لنفسك الليله ودي بها ليلة العمر، ودي احس مثل مايحسوا الباقين،، انا ماني انقص من غيري... اكيد غيري حاولوا ووصلوا.. حسسي نفسك بالحب، كأنك أميره وكانه مافي هالدنيا سواكم.. اجلسي جنبه، مرري يدينك على قسمات وجهه وامسكي يده، قولي له كلام حب.. انت اجمل ماشافت عيوني احمد ربي انه رزقني اروع زوج بالدنيا ( لاتكثري بعدين يقول هذي تقص علي، خذيه حبه حبه مثل مايقولوا) كفايه علي انك شقيان علشاني وعلشان عيالي الله لايحرمني منك ويطول لي بعمرك ان شاءالله.. وفي التقبيل حاولي انها تكون قبلات خاطفه، لانها تزيد من التهيج لكم انتوا الاثنين.. يعني مثل انك تتقربي وتبعدي بنفس الوقت... حاولي تجعلي من كل لمسه لزوجك لك اثاره خاصه، لما يلمس كتفك مثلا حسسي نفسك باثاره، تحسسي نفسك كأنك تغاري، حسسيه بهالشي، هالحركات منك لزوجك لها تأثير كبير عليه وعليكي انتي بعد.. حتى لو لمس يدينك،، نفس الشي... ولما تبوسي يدينه،، لاتقومي بهالشي كواجب بس،، حسسيه انه يدينه هي اغلى ماتملكين،،، اشياء ممكن تكون عاديه،، لكن لو حطيتي تفكيرك كله فيها راح تلاقينها بداية البدايه مثل مايقولون.. والرجال اي شي ولو كان بسيط يثيره.. طول الوقت لاتفكري بمشكلة برودك،، عيشي وقتك كأنك سندريلا في عالم الاحلام.. بنات صراحه،، انا كنت أعاني من هالمشكله بداية زواجي، علشان كذا انقل لكم الواقع عن تجربه،، رغم اني تزوجت زوجي عن حب ست سنين.. لكن قدر الله وماشاء فعل.. وان كان ردي هذا مخالف لقوانين الاداره،، اعذروني بس كان قصدي تعم الفائده الجميع خصوصا انه الخجل ذابحنا في مثل هالأمور.... وياما بيوت خربت - بعيد الشر عنا وعنكم - والسبب هالمشكله.. الله يوفقكم جميعا..

بنات بكون صريحه وياكم واعذروني علشان تعم الفائده الجميع.. خصوصا انه الاغلبيه يخجلوا انهم يفصحوا...