كوبونات الراقية تسجيل الدخول

بريق^الألماس

أرجوووكم ارشدوني............محتاره!!!!!

الأسرة والمجتمع •

بسم الله الرحمن الرحيم
اولا السلام عليكم ورحمة الله وبركاته
ابقوولكم قصتي وتحملوني
وابي رايكم وتشجيعكم لي تكفون
انا تخرجت من الثانوي وكان لي رغبه اكمل دراستي بالقسم الانجليزي وكنت متحمسه بس ولله الحمد شاء المولى وتزوجت بعد التخرج على طول وتركت الدراسه لي لحد الان 8 سنوات وصار لي ولدين واحد يدرس واحد عمره سنتين ونص ففكرت انتسب بالكليه السنه القادمه بس بيكون مشوار علي لاني بالخبر والكليه بالجبيل بس مو مشكله المشكله اني ابي احد يشجعني وش رايكم ...هل اعتبر القطار فات واترك حماسي ولا اشد حيلي واحاول بالرغم اني اخاف اتوهق لاني من زمان عن الدراسه واللي عندها خلفيه عن الموضوع تساعدني تكفون طفشت من جلستي من غير فايده؟؟؟؟ والله ما فيه مثل العلم وخاصه اذا الواحد حاب يتعلم
ابي شوووووركم بليييييز


طولتها
سوووري
16
1K

يلزم عليك تسجيل الدخول أولًا لكتابة تعليق.

تسجيل دخول

مجموعة احاسيس
مجموعة احاسيس •
نصيحة دام عندج هالهمة لاتموتينها ..

كملي واستمري يمكن الصعوبه راح تكون في بداية المشوار بس مع الوقت راح تاخذين على الدراسة وتتذكرين شلون كنتي تدرسين


المهم فرصة ولاتطوفينها على نفسج خصوصاً اذا توفرت لج الظروف + همة عاليه ..

واستخيري اول وتالي
skillful
skillful •
اكيد أختي

إذا ظروفك سامحة لك كملي دراستك

و الله يكون بعونك
المحبه للوفاء
المحبه للوفاء •
اخت بريق انت الان استشرتي باقي تستخيرين واللى فيه الخير بيكتبه لك الكريم
شوفي اختى كانت عندنا وحده من الطالبات طلعت من الاوائل وهى كانت متغيبه عن الدراسه سنوات بحكم عمل زوجها ورجعت عندها طاقه كبيره ودرست وتفوقت
اظنك فهمتى ايش اقصد
الله يوفقك ويكتب لك الخير
دارييييين
دارييييين •
توكلي علي الله وتشجعي وكملي دراستك
وبالتوفيق ان شاء الله
اهم شئ ان جوزك يكون موافق والا تكون دراستك سبب في تقصيرك في بيتك
وربنا يقدم لكي اللي فيه الخير
الريم_قطر
الريم_قطر •
توكلي على الله

تصدقين ان كانت معانا وحده تحضر محاضرات في الجامعه وامها جنبها تدرس نفس تخصص بنتها ... تخيلي الموقف ...

الاراده تحطم كل شي .. ولا تقولين فاتج القطار .. لو فاتح القطار عيل ليش الاميين في الخمسين والستين يدرسون وموفره لهم الدوله مدارس محو الامية .