هلا فيج ولا شكر على واجب عزيزة وغاليه يا عبير

علاجي كان كلوميد+ابر بيرجونال
وانا بعد دورتي كانت مو منتظمه
بس والله من نزلت وزني انتظمت سبحان الله الوزن يأثر على كل شي


شعوري مااقدر اوصفه بقولج السالفه كامله

انا نزلت من وزني 30 كيلو ورحت للدكتورة ابي ابدأ العلاج (كانت علي الدورة) قالتلي لا مو الحين نزلي بعد 10 كيلو وتعالي نبدأ العلاج

قلت اوكي ورحت وسجلت بنادي صحي+ ريجيم
المهم تاخرت الدورة علي انا كنت متعوده انها تاخر بس ال3شهور الي فاتو كانت منتظمه
ماشكيت اني حااامل

كنت اسولف مع المدربة اللي بالنادي ان الدورة متاخره علي قالتلي لازم تسوسن تحليل اخاف تكونين حامل ونتحمل مسؤوليتك..

قلتلها ترى انا متعوده على انها تتاخر قالت ماراح تخسرين شي اذا سويتي التحليل

وطلعت من دوامي ورحت للنختبر واخذت عينه دم وقالتلي انتظري النتيجه قتلها لا مو لازم انا وراي دوام مااقدر اتاخر >>>>>>>وحده مو مهتمه:21:

قتلها راح اتصل عليكم بعد ساعه واشوف النتيجه قالتلي والنتيجه ماراح تستلميها قتلها انا متاكده اني مو حامل وماراح احتاج الورقه

اتصلت بعد ساعتين مو ساعه لاني ناسية الموضوع قتلها سال عن نتيجة التحليل باسم فلانه الفلاني؟

قالتلي ((مبروووك))!!!!!!!!!!!!!!!!!!

قتلها شنو يعني؟؟...؟؟

قالتي (( حاااااااااامل))



والله قمت ارجف ايدي ماهي قادرة تمسك التلفون

قتلها تاكدي من الاسم اخاف مو تحليلي؟؟

قالت مو انتي فلانه قتلها اي؟

قالت والله النتيجة ايجابيه وانتي ((حاااااااااااااامل))

شعور لايوصف احسن كاني بحلم وخايفة اقوم من النوم

الحمدالله الحمدالله الحمدالله الحمدالله الحمدالله

لما رحت للدكتوره قالتلي كنت متوقعه لاني من اول قلتلك علاجك في ايدك

ماشاء الله عليك الله يتمم فرحك في كل الي تتمنية


وأن شاء الله ربي يرزقني وتقر عيني بشوفت أبني


والله يابنت الكويت نفسي أحس بها الموقف أتمنى وربي تدرين سرحت وأنا أقرء ردك هذا :26:
لكن ربي يرزق الله كريم

عبير22:26:

الله يرزقج ويرزق كل محرووووووم

ان شاءالله بتحملين وراسج بيعورج منهم>>>>توصف شعورها مع صيحة عيالها:)

وتقولين وين ايام الراحه>>>والله كل يوم اقولها:)

حبيبتي عبير الله يرزقك الولد الصالح والله حاسه فيك

لأني مجربه وللحين لسى ماجاني الله يرزقك ويرزقني

ويرزق بنات المنتدى عمااااااااااقرررررريب:24:

اللهم آآآآآآآآمين


الله كريم

باقي عندي أمل
بس تخيلووووووووا الي مضيق بالي أني أنا تزوجة في عطلة الصيف وكان معاي من المتزوجين 3 ما بيني وبين زواجي ألا أسبوع وكلهم جاهم أطفال الي ولد والي بنت وأعمار عيالهم الحين 7شهور والي 4 شهور وأنا ألا الان على حطت أيدي لا هذا ولا ذاك :26:

بس أنظار الحريم تقتلني والله وأسئلتهم

مو بس لي لا حتى زوجي يسئلونة أنتم تراجعون مستشفيات ولا لا يااااااااااربية

مع العلم لي الان سنة و8 شهور متزوجة بس الناس ما يرحمون