أرجوووووكم عطوني رايكم

السلام عليكم ورحمة الله وبركاته

حبايبي باقولكم اللي بخاطري بدون مقدمات وأبغى آرائكم وبكل صراحة

أنا انسانة أغار على زوجي يمكن شوي زيادة عن الحد المعقول,وهذا رأيه
بس أنا بالعكس أشوف ان غيرتي طبيعية جدا وخصوصا اني أحسها من ناحية دينية أكثر,يعني مثلا ما احبه يكلم أي بنت غيري!! هو مثلا في شغله معاه كم وحدة بس مايشوفهم الا لما يسافر فأنا صراحة أتضايق(بس أحيانا مو دايما) على حسب مزاجي
بس مجرد فكرة انه معاه نساء ماتريحني, وأنبهه انه مايتكلم معاهم في أي شي خارج عن نطاق العمل,في التلفزيون مااا ابي يشوف أي وحدة,مع العلم اني حاذفة أغلب القنوات,اذا كنا مشين في مكان عام مثلا سوق ولا شي أشيل هم خصوصا مع وجود الأشكال اللي تقهر عبي مخصرة عالاخر ومكياج كامل وحالة, هو ما يقعد يبصبص عيهم بس اذا مرت أي وحدة أو واحد لازم يعطيهم نظرة يقولي ما يقدر لازم يشوف اللي يمر قدامه بس الحرمة تبين لما تمر فمو لازم يطالع فيها أموووو لما أشوفه يناظر حرمة حتى لو نظرة عابرة,هالموضوع ما تدرون قد ايش متعبني هو يقول والله أنا ما اشوف غيرك وما أناظر,والله انه يموت فيني وانا بعد, بس اللي لسا ماعرفتوه انه خانني (أكره اقول هالكلمة) لانه أغلى عندي من الدنيا, من أول سنة زواج الى آخر خيانة كانت من فترة قصيرة جدا وكل مرة شكل, مرة صور خليعة ومرة تليفون ومرة تشات, بس يرجع ويتأسف ويقولي نزوة شيطانية ماراح تنعاد.. فيمكن هاذا اللي معقدني :16:

على فكرة احنا تزوجنا صغار والان أنا وزوجي الحمدلله اتديننا أكثر وصرنا أوعى وأفهم وأكثر مسؤلية ولله الحمد, وهو شخص ناجح ماشاءالله في أكثر جوانب حياته وأنا كذلك ان شاءالله, ومتفاهمين, ولكن هذا مايعكر علينا أحيانا

أرجو النصيحة أخواتي واللي نفس حالتي تقولي شو تسوي :(