أرجوووووووووووووكم000 ساعدووني كيف أحافظ على زوجي

السلام عليكم ورحمة الله وبركاته000 اتمنى بعد مااقول قصتي انكم تصارحوني اذا كان الغلط مني او منه بس بالأمانه انا أتقبل كل شي مقابل سعادتي والحفاظ على زوجي000 وأتمنى انكم تسدوون لي النصائح المفيده اللي أفتقر إليها


انا متزوجه من9 سنوات عندي والحمدلله 3أولاد حياتي انا وزوجي من زواجنا الى ماقبل 3شهور قمة التفاهم لدرجة ان اهله يسمونه سكان مرته9سنوات مرت بشحنات ،مشاكل أسريه وكوارث أقصد بالكوارث= مشاكل ضخمه جدا ، خسرت بسببها طفلين(الكوارث أثناء الحمل)خرجنا منها وانا محتفظه بزوجي زوجي بطبيعة عمله يبعد من عش الزوجيه 400كلم وعشان كذا استقر هناك ومتى ماأتت استراحة عمله اللي هي 4 ايام واوقات تطول إلى 6 أيام يجي عندنا ولما تنتهي يرجع

المهم : اهو من زمان بالضبط من مرور 4 سنوات من زواجنا يلمح على الزوجة الثانيه لم اقوله ليش يقول الشرع محلل 4 وانا ابي وحده ومن يقولي هالموضوع مااتحمل أدخل انا وياه في نقاش حاد وأبكي لاني من النوع اللي مايقدر يخفي مشاعره وهو يتعذر بأنه كان يمزح معي وبصراحه بيني وبينكم انا بجد أمووت فيه وأحبه بجنون

ومن هذيك الفتره وهو يقول فلان تزوج الثانيه وفلان أخذ الرابعه وفلان تزوج وحده معلمه وفلان أخذ وحده غاية بالجمال =====> لأنه شاف أخوانها يجننون من زينهم وحط بباله ان اختهم تجنن

مشكلتي ان زوجي اذا صارت مشكله بيني وبينه هددني وحتى مره حلف اني ماحييت راح اشوف الضره وهو داري اني مجرد ذكرها أمامي انزعج
انا بعطيكم نبذه عني والله على ماأقول شهيد :

انا لو كنت مقصره في شي لعذرته بس اللي قاهرني اني أحس اني ملمه بالصفات الحسنه اللي يتمناها كل زوج بزوجته وهي

1- من ناحية المظهر===>مزيونه شكلي من ناحية القوام معزله والله يابنات اني اوقات اطالع نفسي بالمرايه اقول شيبي جسم وشحلاته وشعر طويل وبياض الحمدلله واخلاقي اوقات يأكلني الله يعزكم تراب واقوله تشكر ياأبو الشباب يجي منك أكثر

كله عشان خاطر عيونه بنات مااقولكم اني كامله لا بعض الاوقات أفلت عليه بس احسبو لي 5 دقايق ارووح استميحه العذر واحب على راسه واعطيه من هالكلام المعسل كلما اتصل وقال العصر بجيكم او اي حزه كانت رحت أدبك بالمطبخ حلويات ومعجنات القهوه المزعفره الجويهه اللي تعدل الراس لاتنسوووون كل مره يجي يعني من 9 سنوات وهذي شغلتي
الشياكه أفا عليكم تبع المووضه الميك اب وأحب التغيير مره 0 المهم قبل 3 شهور جلست انا وياه وقلتله شرايك نجلس جلسة مصارحه كل واحد يقول اللي بخاطره للثاني ===على فكره انا معلمه حبيت أضيف بس نرجع لمحور الحديث المهم اهو فلت وقال شغله تمنيت الارض ابلعتني ولا قالها قالي اني مو ذاك الزود بالفراش ما أعجبه مثل أول يقول أنتي تغيرتي 0بصراحه انا بعد هالكلام هذا كرهت نفسي وسببت مشكله بيني وبينه وكنت متوقعه انه بيحس انه جرح كرامتي بس للاسف أصر على الصد وهجرني 3أيام مع انه كان بنفس المنطقه اللي انا فيها وبعدين نصحتني اختي باني اتنازل قبل لايتهور ويتزوج وفعلا تنازلت ودقيت عليه موبايل ورد علي وبكيت بمراره وقلت له ارجع البيت نتفاهم ولم رجع كان اخر الليل على وجه الفجر فتح الباب ورحت ضميته وقعدت ابكي ولم رفعت راسي شفت دموعه ويقولي ليش بغيتي تهدمين حياتنا وكان يقصد بكلامه الطلااق ( لاني طلبته منه وبإصرار 0بسبب المواجهه اللي واجهني فيها ماتحملت نفسي) وقالي الواقع المرير وهو انه رااح وخطب من رجل مشهور بصيته والرجل قاله ازوجك بشرط اذا زوجتك بايره فيك يعني مقصره بحقك وبهالكلام انقذني الشايب اللي خطب عنده ورجع زوجي لي ولا كنت في عداد الاموات وبعد مارجعنا لبعض زوجي الى الان يكرر علي الزواج احسه متلهف حيل وهذا كله لان له صديق عمره يتزوج كل سنه والبارحه بالذات كان متزوج من 3 مع ان زوجاته ايات من الجمال0 تكفوون قولولي شسوي عشان اخليه ينسى فكرة الزواج انا أدعي في كل صلاة ان الله يخليه لي ولعياله ولا يشاركني فيه أحد بس افيدوني بأشياء ثانيه إذا عندكم اساله عن أي شي قولو بس انه مايتزوج
لاني بصراحه بفقد عقلي ان تزوج0