دامكم جبتوا هذا الموضوع نفسى اعرض عليكم مشكلة اختى

هى فى سن 35سنه و وفى شخص تقدم لها عمره 31 وكم شهر سنه


يعنى الاثنين فى الثلاثينات برايكم راح يكون فى انسجام والا لا

هى مترددة واحنا نقنعها توافق بس ما عرف شو رايكم

السلام عليكم
انا برايي واللي اشوفه مافيها شي وبعدين يا اخواتي النصيب لي جا خلاص هذا النصيب خل اقولكم سالفه صارت جدام وحده اعرفها لما كانت هي بالمستشفى ..الله يسلمكم تشوف ذاك الولد المزيون اللي يشوفه يقول عنه باواخر العشرينات عمره المهم الحريم هناك بالمستشفى بس يراقبونه وين راح وين جا واهو حييييييييل بار بأمه ياحظها من ام اللي ولدها شايلها شيل بالهزمن المره شكلها بالخمسينات عاد سألوها عن ولدها جان تقول هذا ابو عيالي ماهو ولدي وانصدموا منها .عاد المريضه اللي ذكرت السالفه تقول اللي يشوفهم ما شاء الله يحبها حيل بس ينطرها عند غرفه العمليات ويوم طلعت من العمليات و اهو وياها عاد تقول وييين احنا ازواجنا مايجون الا لما نقوم من التخدير ولا فوق هذا يطبطب عليها صج ضحكتني اللي قالت السالفه فوق انها مريضه و تعبانه تشوف و تقارن.عاد زوجه الولد الصغير عندها منه 4 عيال بنتين و ولدين اعتقد والبنات حلوات على ابوهم :) و تقول الزوجه انا ماخذته على كبر واهو صغير بس حياتهم ما شاء الله .فشوفوا يا بنات المسائل هذي ترجع لنصيب مو لشي ثاني مثل العمر والسالفه اكبر مثال.

السلام عليكم
انا من وجهة نظري عادي يعني ماهو عيب لو تكون الزوجه اكبر من زوجه بشرط ان الزوج يكون راضي على فرق هذا السن يعني لو ان مو عاجبه سنها اقول لاياخذه على شان مايعايرها بعدين ومن ناحيتي ماتفرق معايا لو اخذ واحد اصغر مني بسنه او سنتين او ثلاث بس مااحب يكون اكبر مني باكثر من كذا وافضل انه يكون اكبر مني بسنه ولا سنتين بس يالله مثل ماقلتو كل شي نصيب يعني اللي ربي كاتبه يصير بس انا مااحب انه يكون اكبرمني ب10 سنوات احسها مو حلوه اقول بنات لاتاخذون علي تراني بس اقول رايي يعني من ناحية العمر انا اقول حرام ترفض الرجال مدامه شاريك وراضي بعمرك انك تكوني اكبر منه وبعدين كل شي نصيب
وتحياتي لكم :24: :26:
بدايات المحبه

بصراحه فارق السن ماله دخل في التوافق بين الزوجين


كثير من حالات الطلاق من عدم التوافق بينهم وهم تقريبا نفس العمر



هل صحيح أن الحياة الزوجية ستمر طبيعية بدون أن يكون لذلك تأثير ؟
اكيد

فمارأيكم لو تقدم شاب لفتاة ولكنه يصغرها عمرا ؟
ابدا مافيها شيء ... لكن شينه بالنسبه للمرأه لان بعض رجالنا عيونهم زايغه اذا كبرت الوحده دوروا غيرها والمعروف ان البنت تعجز قبل الولد وهذا سبب ان الولد يجب ان يكون اكبر

إن كان لا بأس فكم يجب أن يكون الفرق ؟
الفرق من 5 سنوات واقل لان المرأه تكبر بسرعه


يسلمو حبيبتي عالموضوع:27:








:26:

الأخت $$حصووص$$ انا عمري 24 وزوجي عمره 40 وبالعكس مبسوطه والحمد لله معطيني الحريه ولا عمري سمعت منه كلمة (لا) وهذا يرجع للتفاهم ...




:27: :26: :27: