أرجو الدخول و أرجوكم المساعدة

أولاً أحب أسلم عليكي وأقول لك إن كلامك صح لما تتخربط الدوره ما يصير حمل وأنا حصلت لي مثل هذي الحاله ورحت لدكتورة خاصه وعطتني حبوب أسمه سيروبان للتبويض فأسرعت لي التبويض أخذته ثاني يوم الدوره ويوم سابع رحت لها وأخذت أبره وحده لتفجير أو فقس التبويض وحملت بعدها مباشره وقالت إن الدوره راح تنتظم بعد الولاده وإنشاء الله خير :26: :27:

اختي قصيمية

الله يرزقج الذرية الصالحة ان شاء الله قولي آمين

الأخت غيداء ما قصرت بس حبيبتي حبيت اقولج لا تاخذين اي دوا من غير ما تستشيري الدكتورة لا تصيري في مشكله اخس من عدم انتظام الدورة الله لا يقولها
روحي عيوني للدكتورة وهي اللي بتحددلج الدوا اللي تاخذينه واللي يناسبج ونصيحتي تابعي الدوا ولا تكلي ولا تملي وتقطعينه وتخربين العلاج ما في شي سحري يجي بدون مجهود الله يجعلنا من الصابرين تابعي العلاج ولا تلخبطينه بشي غير

اسمعي نصيحتي واكثري من الدعاء وما يصير الا الخير


اختج مغربية

الله يرزقج الذريه الصالحه قولي آآآآآآآآآآآمين

اول شي الدورة اذا كانت مو منتظمه ماتاثر على الحمل
بنت خالتي حملت ودورتها متخربطه

احسن شي تروحي للدكتورة وتسويلك فحوصات وتحاليل وتعرف سبب تخربط الدورة
وتعطيك العلاج المناسب

صدقوا الاخوات لما قالوا روحي لدكتورة...لأن انا عندي أختي التوأم دورتها متخربطة مثلي ولما سوينا الفحوصات طلع عندها هرمون الحليب مرتفع... أما أنا هرمون الـ FSH , LH فيهم خربطة... فعشان كذا علاجي مختلف عن علاجها...
والله يرزقني وإياك وكل محروووم ذرية صالحة...

أنا مع الأخوات أستشيري الدكتورة وهي تحدد لك المشكلة..ومحدثتكِ دورتها غير منتظمة وحملت بعد الزواج بسنه..
والآن عندي 3أطفال الله يحفظهم ويبارك فيهم وفي أطفال المسلمين...وما زالت غير منتظمة...تنتظم فقط مع الحبوب"أقصد حبوب منع الحمل طبعاً" والله يرزقك ومن وده ..بالذرية الصالحة.