أرجو المساعدة السريعة

الحلى لقيمات ودونات وسينابون وقطائف وكنافه والموالح ممكن تسوين سمبوسة جبنه وسمبوسة لحمه وتلفينها من قبل وتفرزنينها وممكن تسوين بف وكبه او كفته وسوي صياني مثل صينية التوست وصينية مكرونه بشاميل أو مكرونة بيتزا ومطبق وصينية خضار او ايدام وشوربة كويكر وشوربة ربيان وفطاير وبيتزا وانواع الفطاير كثيره ممكن بالتوست تسوين كم نوع وممكن بخبز الصامولي تسوين كم نوع وممكن بعجينة الفطاير تنوعين وسبرنج رول ومنتو كذاب وشورما وحلى العشاء ممكن كريمه او مهلبيه او جلي او حلى كاسات او عيش السرايا او كاسترد والعصيرات طبعا زي ماتحبين وانتي شوفي وخذي اللي يناسبك وان شاء الله اكون افدتك واي سؤال انا مستعده اجاوبك

وبالنسبه لطريقة الدجاج محشي بالفريك عندي طريقه مضبوطه وحلوه ان شاء الله تعجبك
أول شي اغسلي الفريك ونقعيه لمدة ساعه بعدين قطعي بصل صغار واحمسيه واضيفي عليه البرغل وشوي ملح وفلفل اسود وليمون اسود مطحون وشوي ماء وخليه على النار مع التقليب من وقت لخر حتى ينضج بعدين جيبي الدجاج ونظفيها وأخلطي على قد الدجاج اللي بتسوينه ملح +فلفل اسود + بهارات + ثوم مطحون +ليمون اسود مطحون بعدين ادهني الدجاجه بقطعة زبده بعدين ادهنيها بالبهارات من الخارج والداخل بعدين احشيها بالفريك وضعي في الداخل قطعة زبده ثم اربطي ارجل الدجاجه علشان ماتخرج الحشوه وحطيها في صينية فرن مع نصف كاس ماء + قطعة زبده وحطي كم قطعة زبده صغار على وجه الدجاجه وادهني القصدير بالزبده وغطي الدجاج وعلى الفرن ساعه أو ساعه وربع ثم حمريها تطلع تجنن وقدميها مع الرز الأبيض بكشنة البصل والزبيب ولو تجربينها ماراح تندمين ان شاء الله

وحشوة الدجاج للسمبوسه تقطعي البصل صغار وتحمسيه في القليل من الزيت بعدين تضيفين له الدجاج المفروم أو دجاج مسلوق ومنتف وتضيفين ملح وفلفل وبهارات وشوي صفار الزعفران سب الرغبه وتقلبيها على النار واذا كنتي بتضيفين لها جزر مبشور وفلفل اخضر بارد اضيفيه مع الدجاج حتى ينضج ثم ارفعيه من على النار واضيفي البقدونس والشبت والكزبره وقلبيها وبعد ماتبرد احشي شرائح السمبوسه بها وبالعافيه واي سؤال انا حاضره

وصفات ماشاء الله عليكي ألف شكر لاهتمامك وتقديرك عجبتني كتير أفكارك بس مقادير صنية التوست إيه و بالنسبة لليمون الأسود هو إيه علشان أنا مش عارفاه
وطريقة السمبوسة خطيرة وواضحة بس ممكن أضيف لها جبنة رومي مبشورة وبعد ملف الدجاج فيها أقليها في الزيت ولا اضعها في الفرن .
في انتظار ردك
وألف شكر مرة أخر على اهتمامك

والله افكار حلوة وروعة افادة الكل ان شالله راح نجربها والعزومات كتيرة ماشالله وكل سنة وانتم طيبن ورمضان كريم عليكم يا رب ربنا يتقبل منا ومنكم صيامنا وقيامنا ان شالله وجزاكم الله كل خير يا رب