أرجو المساعدة من الجميع- السفر لأمريكا

أهلين عزيزتي..
الف سلامة لقريبتك والله يقومها بالسلامة
السفر لامريكا مايحتاج له اخذ اغراض كثيرة, ممكن تآخذ كم حجاب وكم بالطوأ وشوية بهارات على قد السفرية واغراض القهوة(بن-هيل-زعفران-نانخة-وثلاجة القهوة اللي تطبخ فيها وثلاجة القهوة اللي تشرب فيها)لأنهم ماعندهم ولا غرض للقهوة العربية,وفناجين للقهوة وللشاي وبراد الشاي..
بالنسبة لباقي الاغراض راح تلاقي بوالط حلوة عندهم وإشاربات إحنا نستخدمها حجابات..
وكل شيء كل شيء حتلاقيه هناك, الأكل والشرب والأدوية والملابس والأغراض الشخصية وكل اللي يخطر ومايخطر في بالها..
أهم شيء إذا كان لقريبتك اطفال خليها تشيل معاها ادويتهم لأن هناك مايعترفوا بالأدوية للاطفال مو زينا!!
وعلى فكرة ترى يجوز لنا ناكل من اكلهم أحل لنا اكل النصارى إلا الخنازير طبعا..
وتروح وترجع بالسلامة

أشكرك أم مسك على الرد الحلو والوافي ..والله ونستيني بردك وااايد لأني أول مرة أشارك .. والله يسلمج ويسلم جميع المسلمين إن شاء الله بس أبغي أعرف أنتي زرتي أمريكا وشو تقصدين ب ثلاجة القهوه هي نفسها الدله أو الترمس؟؟ سمحيلي أنا من الإمارات وأبغي أتأكد من ثلاجة القهوه ...:42: يزاج الله خير يا أم مسك:32:

الله يسلمك عزيزتي..
طبعا انا زرت امريكا ولا كيف اتفلسف من عقلي!!
قعدت فيها 6 شهور من اروع ايام حياتي.. جنتهم في الارض(لهم الدنيا ولنا الأخرة)
ثلاجة القهوة اللي تطبخي فيها القهوة على النار(ترمس على قولتكم) والدلة اللي تفضي فيها القهوة وتشربي منها القهوة..
اي سؤال اخر ترى مايردك الا لسانك..
إحنا في الخدمة

مشكووووره ام مسك ما قصرتي ... واسموحه...وبوصل لها الكلام واذا عندها أي سؤال ما بتردد ...يزاج الله خير:26:

واحب اقولك اذا تحب التمر تاخذمعاها لان التمر غير موجود هناك