أرجو المساعده.............

هلا نونو نونو صباح النور
شوفي يا عسل انتي ما وضحتي العزومة كيف حتكون عشاء والا اطباق والا بوفيه علشان نعرف الشيء المناسب
اذا كان اطباق بس مو عشا يعني اقترح عليكي تسوي فطاير وترا عجينة العشر دقايق انا مرة ظابطة معايا واقترح عليكي تسوي اقماع وتحشيها ولو عجبتك الفكرة عندي فكرة حشوة مرة شكلها يجنن
وشوفي يا قمر ازا تبغي تسوي سلطة انا عاجبتني سلطتين في قسم المقبلات مرة عاجبينني وحاستهم غريبين وابغى اجربهم شوفي هادا الرابط حقهم شوفيهم
http://forum.hawaaworld.com/showthread.php?t=123252
وهادي تانية
http://forum.hawaaworld.com/showthread.php?t=339997
وهنا طريقة تقديم برضو نفسي اجربها شكلها حلوة
http://forum.hawaaworld.com/showthread.php?t=253289

طيب جينا للحلى
ازا تبغي حلا لبعد العشا اقترح عليكي هادا الحلى انا سويتو مرة لزيز و مضمون ازا اتبعتي الطريقة وسهل والكل حيسألك عن طريقتوهادا الرابط
http://forum.hawaaworld.com/showthread.php?t=282831&page=1&pp=10
وهادي صورة الحلى تلقيها في صفحة 9 مع خطوات العمل



كمان في حلى تاني سويتو للأخت سكر وهو كيكة الاوريو كانت مرة لزيزة ومضمونة ازا اتبعتي الخطوات صح هادا رابط الموضوع حقها
http://forum.hawaaworld.com/showthread.php?t=73964&highlight=%DF%ED%DF%C9+%C7%E6%D1%ED%E6

طيب كمان في حلا مميز اقترحو عليكي بس برضو ما جربتو
http://forum.hawaaworld.com/showthread.php?t=376723

اااه تعبت من الكتابة
ان شاء الله تعجبك الاشياء اللي جمعتها باي يا قمر :27:

الله يعطيك ألف ألف ألف ألف ألف ألف عافيه من جد تعبتك معاي والله خدمتيني خدمه كبيره مشكوره ثاني.....الضيوف الي جايني جايين زياره سريعه يعني بقدملهم عصير وقهوه وشاهي وأبي أشياحلوه أقدمها حلوه

هلا نونو العفو ما سويت شي
تيب يا قمر بما انهم جايين زيارة سريعة اش رأيك تسوي عصير مميز
شوفي انا جربت هادي الطريقة مرة كانت تجنن
جيبي كاسة العصير وحطي فيها ملعقة ايسكريم فانيليا بس يكون باااااارد مرة دوبك خرجتيه من الفريزر وبعدين حطي ملعقة فواكه مشكلة ( المعلبة ) وبعدين صبي بحذر عصير منقا في الكاسة الين يتعبا مرة شكلها راح يكون حلو وكمان لزيزة حطي ملعقة صغيييرة مرة في الكاسة ازا تحبي

كمان في طريقة للكابوتشينو مضمووووووو نة وتجنن وكللهم حيفكرو انو عندك جهاز الكابتشينو
شوفي
جيبي فنجان نسكافية مع فنجان سكر مع فنجان موية اخلطيهم بخلاط الكيك ( اللي يتمسك باليد ) واخلطي واخلطي الين يسير عندك رغوة زي رغوة الدريم ويب
بعدين حطي ملعقة اكل من الرغوة في كوب وصبي عليها حليب حار ( اول الرغوة وبعدين تصبي الحليب مو العكس )
راح تطلع الرغوة على فوق ورشي عليها رشة شوكولاتة بودرة تسير مرة حلوة :27:
ايش رأيك مع الشاهي تسوي الاقماع بصراحة انا مرة احب اسويها تجنن شوفي الرابط هنا

http://forum.hawaaworld.com/showthread.php?t=353783
وترا العجينة مرة سهلة وانا سويت منها اشياء كتير وحتى بيتزا

واحشيها على كيفك

انا احشيها جبن كرافت شيدر مبشور وعلى طرف الفتحة احط جبن كاسات واغمسها في بقدونس مفروم راح يلصق من الجبنة شكلها يسير مرة حلو

ومع القهوة راح تلقي مجموعة وصفات من البنات ماشاء الله عليهم وانا اسوي معمول مرة سهل شكلو زي الكور تلقي الوصفة في توقيعي
يلا باي يا عسولة