أرجو المساعده ضروري بخصوص نجران

مشاركتي الاولى لا تبخلون علي ....
زوجي اليوم فاجئني باتصاله علي من الدوره انه تعين في نجران ..
طبعا بكيت لين قلت بس من الصدمة لاني ماكنت متوقعه انه راح يتعين هناك توقعت كل شي الا نجران ماجت في بالي ..
انا من اهل الشرقيه وسكنت فترة في جيزان والحين اهو تعين في نجران ..
بنات الله يخليكم ارجوكم ساعدوني خايفه ولا اعرف احد او اي شي عنها تقفون حطو نفسكم مكاني ..
الي اعرفه انو الوضع يخوف من ناحية الصواريخ والقذائف والحوثيين ..
بنات ارجوكم الله يوفقكم اعطوني معلومات عن كيف الوضع هناك من ناحية الامان؟! وكيف العيشه فيها ؟!
وبلييييز افضل وارقى الاحياء السكنيه الي يكون فيها نت والمويه والكهرب ماينقطع وتكون الشقق نظيفه ؟! واسعارها كيف ..!
وبنات ارجوكم الاحياء الي راح تحطون اسمها لي قولولي هل الصواريخ الي طاحت قريبه منها ولا لا ؟!
ارجوكم طالبتكم تفزعون لي وربي ماتعرفون الازمه الي انا فيها ما ابي اروح بس مو بيدي وربي بدعيلكم واعذروني على كثر الاسئله ..