أرحوكم ساعدوني ؟

السلام عليكم ورحمة الله ...
صباح الخير ياحلوات ,, كيفكم ؟
حبيت اليوم أشكي لكم شئ من حالي :
أنا تغير شكلي ونفسيتي 90درجة , كانت بشرتي صافيه وحلوة وشعري مرة حلو وفيه لمعه
وهلحين بشرتي مرة شاحبه وشعري متقصف وجاف ومافيه أي حيويه, بتقولون يمكن عندك فقر دم إيه عندي بس بنسبه بسيطة , وفقر الدم مو شئ جديد من كنت صغيرة وأنا عندي فقر دم وكان شعري وبشرتي كلن يحسدني عليها, الآن إلي تشوفني تحسبني مريضه , مع إني أحاول أرد إلي كنت عليه بالخلطات والكريمات والحنا والزيوت بس مافي أي تحسن !:(
طبعاً شكلي أثر على نفسيتي وصرت أغيب عن المدرسه واجد , أنا غايبه اليوم وقبل أمس السبت والاسبوع الماضي , غصب عني والله , بس إذا رحت وشفت زميلاتي مشرقه وجيههم أتحطم زيادة وأكره نفسي , وصرت ما أحب أطلع ولا أشوف أحد..:icon33:
أنا قبل 3 سنوات تعرضت لمشاكل كثيرة أثرت فيني , لكن أشدها تأثير كانت مشكلة فراق صديقتي إلي كانت صديقتي لأكثر من 10 سنوات ..وباعتني لوشاية من حقودة بيننا , صدقتها ومشت وراها وتركتني عشان ترضيها, ففضلت كرامتي على تعاملها معاي بتجريح واضح ومتكرر.. وصدقوني ضغطت على نفسي بشكل كبير وتحملت وبكتمان شديد فراقها مع إن كل أهلي مستغربين فراقنا!:44:
بس مريت بأيام كل ماتذكرتها أستغرب من قوة أعصابي بالضغط على نفسي لأجل كرامتي..:icon36:
يمكن في يوم أكتب لكم ليش تفارقنا وراح تستغربون من أفعالها إلي ماترضي الله قبل كل شئ
المهم من بعد هلمشكلة وأنا مصدومة بكل الناس , ما أحب الاجتماعات ولا أثق بأحد ..
كنت إجتماعيه مرة ومرحة ومزاحة وإذا دخلت مجلس حركتهم بالتعليقات والضحك , الكل يفقدني
وهلحين الكل يسألني وش فيك صايرة كذا انطوائيه كلامك قليل دايم معصبة وداخل غرفتي أقعد أبكي دون علم أحد من حولي ..:16:
طبعاً كل هذا أثر بشكلي وبشرتي , وأنا أتعذب مرة أبي أرجع مثل ماكنت شكلاً ومضموناً ..
دون الذهاب لدكتور نفسي لأني بصراحة ما أقدر أقول لامي
أبي رايكم الشخصي كأخوات الله يعطيكم العافيه:)