أمي الله يحفظها ويخليها لي ولاخواتي..
راحت للعمرة ويوم رجعت اهدتنا انا واخواتي هالهدية الرااااااااائعة الله يجعلها بموازين حسناتها يارب
الهدية هي
هذا يا طويلات العمر عداد
Counter
للتسبيح او الاستغفار
كل ما ضغطتي على الزر يزيد العدد من 1 الى مالانهايه
والله يا بنات مو طبيعي قبل كنت استغفر للميه باصابع يدي
وكنت ساعات الخبط..
خصوصا لمى يقطعني احد من اللي حولي..
او يدخل على فجأة..
وكنت احس اني اطول مرة..
مع هالعداد استغفري او سبحي وبس
هو عليه العد..
والله يا بنات في عشر دقايق وصلت للالف من دون ما احس..
ولمى يناديني زوجي اوقف واخليه ولما اخلص ارجع له
و روعة بالسفر بالسيارة استغفري وما توعين الا انك مستغفرة فوق 3000
هذي صورة اقرب له و طريقة تشغيله
الزر رقم 1 هذا يسوي ريستارت يصفر لك العداد
والزر رقم 2 هو اللي تضغطين عليه مرة لكل استغفار او تسبيح
و ماراح اذكركم يالغالين بفضل الاستغفار والتسبيح
وما اوصيكم اللي بتروح مكة لا تنسى تجيبه لحبايبها صدقة جارية في ميزان حسناتها بإذن الله
ونسيت اقولكم ان الحبة بـ 5 ريال بس
امي الغاليه اشترت كرتون و وزعته على اهلنا الله لا يحرمها الاجر قولوا آمين
هذا اللي كان ودي اقوله لكم وافيدكم فيه لاني بصراحه حسيته كنز
وجزاكم الله خير على قراءة موضوعي
والسلام عليكم ورحمة الله وبركاته