أردت أن أكون شمعه إحرق نفسي وأضيئ لأبنائي فأحرقت نفسي وأبنائي..

بسم الله الرحمن الرحيم

أهلين حياكم الله وأتشرف بقرائتكم مشاركتي ويثلج صدري ترعصو على شكري هههههههههههههههه

يوم أنا بنت أحب الاطفال أموت عليهم وكنت أنتقد بعض الامهات على تربيتهم لأطفالهم وعدم الحرص

ودايم أقول بخاطري أنا غير راح أربي عيالي صح والحمدلله تزوجت وجبت أحلى ثنين ولد 5سنوات

وبنت 3 سنوات جبت ...........
جبت الاول وأنبسطت مره أخيرا فيه طفل أنا مسؤوله عنه فكنت حريصه على نومه والرضعه بالوقت

ولما صار 6شهور فكرت أحمل عشان أجيبله أحد يسليه وكان عمره سنه وشهرين حمل بأخته والحمد لله

على تمام النعمه ... بس بدو يكبرون وأزعاج وبالي مشتت بين هذا وهذا صار يغااااااااااااااااار من أخته

وحلمي أن ولدي يصير شيخ ينفع الله به الامه.. وكل يوم قبل ماينام نردد صورة الاخلاص بس طفشت

سنه والله ما حفظها كل يوم يقول نسيت ..وبرضو أنا أنسانه حريصه مرررررررررررره على عيالي

وشديده حبتين يعني ما أسمح لعيالي يروحون يلعبون عند الجيران بس أخليهم ينادون عيال الجيران بالبيت

بس أقعد معهم لما يلعبون ألعبهم أو أرتب الي يحوسون طبعن لزم أهوشهم لاخلصتو رجعو الالعاب مكانها

لاحد يسوي كذا السرير لاتجلسون عليه ......إلخ من الاوامر أحسهم يطفشون ...حتى أبوهم ينتقدني بحرصي
الزايد عليهم صرت ما أقعد معهم أطلع عشان ياخذو راحتهم بالعب شوي بس ما أبعد أجلس بالصاله وقلبي

عندهم يعني كل شوي أروح أشيك وش يلعبون ما أرتاح يلعبون مع أحد ما أدري كيف طريقت تربيته عشان كذا
ما أتركهم إلا إذا طلعو عيال الجيران إذا كان يلعب هو وخته سوى عادي أروح أخلص شغلي أو أقعد عند التلفزيون

وإذا كنا عند أهلي عااااااااااااااادي ما أقلق عليهم إذا كانو يلعبون مع عيال إخواني أو عيال عمهم لاني أعرف أهلهم

وطريقت تربيتهم لان حنى عائله مره محافظا حتى التلفزيون مافيه ببيت أهلي وأهل رجلي ..........
تخيلو جبت شغاله وما كنت أرضى تلمس عيالي وطفشت منها بس قاعده ما عندها شغل وأنا أراكض ورى
عيالي فبعتها حتى إذا سافرت أتمشى ما أخليهم عند أمي أخذهم معي بس الحمد لله زوجي يأيدني بها النقطه

إذا رحنى ملاهي ما أحبهم يلعبون بألعاب ترتفع فوق أحسهم بيطيحون طول ما يلعبون أستغفر

وما ألتفت لهم لين أتطمن إن العبه خلصت أحس أني أخرب شخصياتهم بكثرت تحكمي فيهم رغم أنهم أشقياااااااااااااااااء

مرررره بس ولدي بدا يكذب كثير كل شي يخربه يقول أخته خربته لاني إذا ماسمعو كلامي أضربهم ....

المهم أنا حااااااااااااازمه مره مع عيالي وأخاف إن شدتي عليهم تضعف شخصياتهم في المستقبل .......

وش رايكم ............أسعد بردكم علي ونصحي يالي سبقتوني بالتربيه وعيالكم بالمتوسط وبالرضو المبتدأين بالتربيه

وش رايكم بطريقتي هل أنا موسوسه ولا كل الامهات كذا .