أرز بالفراخ و الخضار رهيييييييييييب

السلام عليكم و رحمه الله و بركاته
إمبارح ماكنتش عارفه اعمل ايه للغدا :angry: و بعدين لقيت وصفه على علبه مرقه الدجاج فاين فودز فقلت اجرب مع بعض التعديلات :32: طلعت............. رهييييييييييييييييببببببببببببببه فقلت لازم أقولكم عليها علشان تعم الفائده ان شاء الله :27:
المقادير :cook:
1 كوب ارز بسمتى
صدور فراخ مقطعه قطع متوسطه و ممكن استخدام بواقى الفراخ المسلوقه
2 بصله متوسطه مبشورة
فلفل رومى ألوان او اخضر مقطع قطع صغيرة
شويه جزر مبشورين وممكن الاستغناء عنهم
بسله مسلوقه و ممكن الاستغناء عنها
4 فصوص ثوم مفرى
رشه زعفران
1 و نصف ملعقة صلصه طماطم كبيرة
2 مكعب مرقه دجاج
1 و نصف كوب ماء
ملعقتين زيت درة
ملح و فلفل
الطريقه
فى إناء عميق نسخن الزيت ونضيف عليه الفراخ المقطعه < اذا كانت الفراخ مسلوقه نستغنى عن هذه الخطوة > و عليها رشه فلفل حتى يبيض لونها و نشيلها من الزيت
فى نفس الزيت نضع البصل و الثوم و الفلفل الرومى و الجزر و البسله و عليهم رشه فلفل أيضا و نتركهم حتى يذبلوا
بعدها نضع صلصه الطماطم و الماء و مكعبين مرقه الدجاج و الملح و نتركهم حتى يغلى الخليط
نضيف قطع الفراخ مرة أخرى و نتركه حتى يغلى
آخر خطوة هى ان نضيف الأرزمع رشه الزعفران و نتركه حتى يغلى ثم نخفض النار حتى يستوى و طبعا إذا احتاج الأرز ماء نضيفله و لكن بحرص
يقدم ساخنا مع سلطه خضراء و بالهنا و الشفا :26: :26: :26: