أرشدوني

السلام عليكم
اللهم بلغنا رمضان لا فاقدين ولا مفقودين
طبعا هذي اول مشاركه لي وما اعرف إذا كان هالقسم يخص مشكلتي أم لا وإذا كان لا ارجوا من اخواتي المشرفات عدم نقل الموضوع لان هنا أكبر تجمع وممكن يفيدوني
بدخل بالموضوع على طول
أنا حديثة الزواج المشكلة يا أخواتي أن بعد 3 شهور من زواجي استغربت عدم حملي مع أني مؤ مستعجلة عالحمل أبدا زوجي قالي لا تقلقي. وعادي. بس انا مستغربه وخاصه اللي حولي في اللي منهم تحمل من اول شهر وفي اللي من شهرين. حبيت اطمن عنفسي ورحت حللت قبل شهر تقريبا. وطلع أن عندي هرمون الحليب نسبته 35 وهذا اللي ماخر حملي عطتني الدكتوره حبوب "dostinex" نص حبه مرتين بالأسبوع لمدة 8 أسابيع
الزبده أني خااااايفه جداً. في ناس تعالجوا منها وحملوا وفي ناس استمر سنين معاهم.
أنا مداومه عالحبوب وب الأوقات وقالت لي اول ماتخلص الحبوب تعالي حللي مره ثانيه. وتشوف نزل أو لا
بنات أنا محتاره في أعشاب قالولي أنها تنزل الهرمون. ولما أشربها اقرأ بموقع ثاني أنها ترفع الهرمون وسوست صراحه.
قريت في منتدى وحده من الأخوات حاطه خلطه تشربيها أيام الدوره عباره عن حلبه وقرفه وكمون وحبه سودا. تعالج التكيس والهرمون
في ناس تقولي علاجها سهل وفي ناس تقول لا تتركي الحبوب حتى تحملي لانه بسرعه يرجع يرتفع
السؤال. أنا حللت وما كنت عالريق يعني حللت بالليل. هل له دخل بالنسبة ولا مايفرق ؟؟
السؤال الثاني وش. أسوي أبقى بس عالحبوب ولا اشرب. أعشاب معه. وايش العشبه الأكيدة اللي مالها ضرر عال هرمون
وهل النسبة بسيطه ؟؟ ولا عاليه. والله ماادري. وش أسوي. تعبت من التفكير ادري بتقولوا لي بدري عليك بس حابه اتعالج وما أهمل بنفسي
الدكتوره اللي رحت لها. ما فهمتني زين تكلمني من طرف خشمها قالتلي خذي الحبوب وبس
أرشدوني الله يجزاكم خير