أرضيات خشب

أختي أفضل نوعيه السوليد...

أنا جربت الباركيه رررررررررررررررائع وجميل لكني أنقهر يوم ايطيح اي شي على الارض ينخدش ...معني ركبت أجود أنواع الباركيه وركبته من محل معروف بشغله ونوعيته ودفعت فيه اشوي واشويات.... لكنه خشب مهما كان معالج ومهما كان مقاوم للصدمات والحراره.... اليهال ما ايخلون شي الله ايحفظهم,,,,

بنات وين آرائكم

الخشب حلو
وأختاري الخشب المعالج مو الطبيعي بتلقينه عند الكوهجي في البحرين ,والمتر ما يتجاوز 5 دينار اذا ما صار أقل لأني مركبه في بيت ابوي من فتره وهو حلو لكن أختاري لون فاتح أحلى وقريب من الخشب الطبيعي واذا كنت خايفه من الخدش لا تحركي الأثاث إلا بحذر أو حطي تحت أطراف الأثاث مثل القطعه الصغيره وحطي قطعه سجاد بسيطه في الوسط اذا عندك يهال ..

وخلي بين الجدار والأرضيه اي في الجوانب قطع مستطيله لجميع الجهات وصي نجار يسوي لك أفضل وأقوى وخليه بلون أغمق شوي من الباركيه ولا تآخذي الجاهز الي يقولك عنه المحل ..لأنه بسرعه يتعب ويتجمع في زواياه الغبارأوتتطلع منه الحشرات ..

ونصيحه قبل لا تركبون الخشب بكم يوم غسلوا الأرضيه وخلو أحدى شركات المبيدات يرشون لكم عشان تضمنين أن الحشرات ما تعيش بين الأرض والباركيه ..

وبالنسبه لأختيارج الموكيت لغرفة النوم .
.شوفي اذا غرفة نومج كبيرة نوعا ما وبتبقى فيها مساحه بعد وضع الأثاث حطي موكيت أما اذا بتبقى مساحه صغيرة ..أنصحج تحطين سراميك وقطعه سجاده صغيره مربعه الشكل وتكون أكبر من السرير عشان تبين أطرافها يمين ويسار يعني تكون مجرد ستايل..
والله يوفقكِ

انا اشوف انك تحطين البيت سرميك اقوى وغرف النوم هي الباركيه لان غرف النوم تكون الحركه فيها انعم من باقي البيت ..

ناويه أسويه إن شاء الله وكلي شجاعة لأنه بكل الأحوال أكشخ من السيراميك وأريح من الموكيت ويبغى له أثاث بسيط وعملي وبالتوفيق