أرفض أكلمه لهالسبب!

السلام عليكم بنات
انا متملكة من اسبوع
و خطيبي يراسلني وانا ارد بكلمة وغطاها واحيان مادخل الواتساب اتحاشاه
انا الحمد لله مستخيرة ومرتاحة وكنت ادعي اذ احنا نناسب بعض انه يجمعنا
و الحمد لله على قضاءة الحمد لله
بس بعد الملكة انقلب حالي مو قادرة ارتاح تدرون ليش؟
و الله كل اللي صار صح راح بس مره يتعبني التفكير فيه
بنت عمي زواجنا مع بعض وهي ماشاء الله بدت تجهز وتسالني وانا مو قادرة اجهز احس كارررررهة كلشيء
اول مره افتح قلبي لاحد لاتخيبون ضني يا حوائيات ابي حل يريحني
انا احس كارهة نفسي وما احس تني استاهلة
لسبب اني تعرفت على صديقات سوء وكانو يعلموني باشياء من البداية مافهمتها هذا كان بالثانوي اوك
بس انقلت للجامعة وتعرفت على بنات اسوء و اسوء الله يعافيهم ويهديهم ياررررررررب
هم يعني طاحو بقصص الحب و الخرابيط وانا كنت مصدومة من اللي يصير ورحت تكلمت فيهم عند شلة ثانية بعد فترة رجعت لهم وصرت اضيف شباب يارب اعف عني بس ما كنت اطول اضيف واحذف بدون علاقات بالمره بس كذا يعني شوفوني مثلكم ماجربت الحب ولا جربت الاتصال باحد بس محادثات ام دقيقة واحذف وجروني دخنت مره وحدة وعلموني عالسوالف الوسخة مابي اتعمق
هي فترة شهور من دخلت الجامعة
بعدها قلت لاختي السالفة وقالت لي تقطعين علاقتك فيهم واحذفيهم من عندك وفعلا
رحت تعرفت على شلة بنات صالحات وتغيرت بالمره وصرت افضل من اول ولهيت الحمد لله وكانت احلى ايام دراستي معاهم يارب لك الحمد تخرجت وكنت رافضة فكرك الزواج بس شعور ان ابغى اكون ام مسيطر علي مرررررره نفسي اكون ام واربي عيالي احسن تربية بس مادري احس اني انسانة سيئة




الحين انا ابغى ارتاح هل اقول له
اصلا صعب اقوله بس بنفس الوقت احس اذ قلت له
لان طول ما انا اكلمة احس اني انسانة غير ولو عرف عني مستحيل يحبني وانا مابغى اخدعة
مب قادرة افرح شسوي يا بنات؟؟
صح ان السالفة مر عليها 5 سنوات بس طرت ببالي بعد ملكتي