أرقي سي فووووووووووووود ( اللوبستر)

اذا تبين اتسوين أكله خطيره حق زوجك وسهله وراح يموت عليها سوي اللي أقولك عليه :

روحي الجمعيه قسم المأكولات البحريه أطلبي 2 لوبستر واعملي حسابك ترى سعره حسب الحجم والوزن انت اطلبي متوسطات مش كبار ولاصغار لاتطرشينه هو لانها لازم تكون مفاجئه هو طبعا راح يحسب انك طالبه اللوبستر من مطعم لأنه شغل عدل .................

الطريقه :

1) اول شي فوري اللوبستر بعد ما تغسلينه ولاتخافين منه ترى مايعض ميت :11:

2) بعد مايستوي ويتغير لونه ويصير احمر طلعيه من الماي وخليه يبرد، تقدرين تسلقينه قبل يوم و تخلينه في الثلاجه ولاتنسين اتدخنين البيت لازالة الروائح المزعجه :01:

3) اقطعي اللوبستر بشكل طولي من الراس الى الذيل خلي ظهر اللوبستر مقابل السكين مش العكس من البطن ، لازم يقطع بحرص وسكينتك تكون حاده مسننه لانه القشره هي اللي راح تمسك الخلطه ، راح تحصلين من كل لوبستر قطعتين الحين طلعي اللحم منه بملعقه ولاتخلين شي :23:

4) فتتي لحم اللوبستر وأضيفي التالي :

- ملعقة طعام شبت مفروم
- ملعقة طعام كزبره مفرومة
- واحد بصل أخضر مفروم
- ملعقتين طعام مايونيز
- ملح وفلفل أسود
- نصف كوب جبن شيدر مبشور


5) رجعي الخلطه في انصاف اللوبستر بالتساوي علي كل نصف

6) حطي جبن شيدر مبشور علي كل وحده وقطع زبده بسيطه ورشي عليه شبت مفروم

7) دخلي اللوبسترات في الفرن لاتخلينه وايد لانه مطبوخ :time:

8) طريقة التقديم على كيفك انا عن نفسي افرم ملفوف في صحن التقديم واخليهم عليه مع ليمون أصفر أقطعه بطريقه فنيه( لاتنسون الليمون مهم مع الاكلات البحريه)




وصحتين وعافيه(( ترقبوا الروبيان المشوي مع قشره شغل فنادق سهل جدا))