أرق .. أرق ... يارب عفوك ورحمتك ..

بسم الله الرحمن الرحيم


السلام عليكم خواتي ورحمة الله وبركاته ..

مساكم الله بالخير جميع ويارب كل وحده تقرأ كلامي أسأل الله أن يرزقها ماتتمنى ويحقق لها كل حلم تسعى لتحقيقه عاجلا ً غير آجل بمرضاته ..

يابنات أقسم بالله مافتحت موضوعي هذا في هذا القسم إلا لأن زواره كثير ولأني أثق بالله ثم بكم أن كل وحده تعرف شي ماتبخل فيه .. لأني جربتكم وكنتم خير خوات لي في الله وربي يجمعني بكم في جناته ..

أنا أدري أن الشكوى لغير الله ذل .. ولكني كتبت موضوعي للفضفضه ولضيقة صدري ..


أولا ً أنا صار بي أرق من أسبوع .. وصرت ما اعرف اولا انام الظهر لو اموت .. ارجع من الدوام هلكانه تعب وجسمي مهدود ولكن عيوني ماتغمض ابد .. حاولت وشغلت قرآن .. أستغفرت ..ما فيه فايده ..

يابنات لاتقولون لي انتي تفكرين اول كنت افكر تفكير اشد من كذا وبكل سنوات عمري وعندي مشاكل كان وكنت انام نوم على كيفي ومستواي العلمي ممتازه .. الآن تخيلو يابنات حتى بالليل ااذا جيت بنام افوم مفزوعه بدون سبب وقلبي يرجف بسرعه كاني خايفه من شي وارجع وانام واشوف كل نومي فلم كامل من الكوابيس والاحداث والقصص وكل شي مزعج .. واحس اسمع صوت باذني كان احد يحكيني .. واذا قمت ماكاني نمت ابد ..

انا اليوم جاتني الدوره نزلت وحالتي هذه من اسبوع .. ومستواي العلمي تاثر صارت اعمال السنه بالجامعه نازله شوي ونفسيتي تعبت صرت ماحس بشي له طعم ولا احس بفرحه لشي وضايقه ماكاني ابي شي مع اني قبل اسبوع من الآن كنت عكس كذا متفائله وشاطره وممتازه ونفستي عال العال وغير غير بكل شي ..

والله يابنات انا الحمد لله وحده ملتزمه لربي ماسمع اغاني الحمد لله واصلي صلاتي بوقتها واتصدق واستغفر واخاف الله خوف شديد والحمد لله بس مادري وش فيني انقلبت فوق تحت .. وعلى فكره انا انصبت قبل سنتين بعين قويه انهرت انهيار كامل بسببها وتعافيت منها تدريجيا ً رغم اني اعاني منها بشي بسيط ..


يابنات افيدوني من مثلي تعبت واللي تعرف حل تساعدني واللي ماعندها شي تدعي لي .. اسال الله ان يرزقكم نفس ماتدعون لي وافضل بكثير ..




تعبت .. يارب رحمتك ..