السلام عليكم.
هذي أول مشاركة لي وانشالله ما تفشلوني وتقولون انكم تعرفون هالكيكة :P
انا عيالي ما يحبون التمر نهائي..بالصدفة كنت مسويها هالكيكة حق صديقاتي وماكان التمر مبين فيها واضح, لكن وغلاتكم.الطبق انمسح على اخره .وخصوصا من عيالي لأنهم ما دروا انها فيها تمر. ! *_^ صدقووني راح تعجبكم.
~~~~~~~~
المقادير:
كاس ونص طحين -جميع الاستعمالات-
نص كاس زيت
3 بيضات
نص كاس سكر - واللي ما يحب السكر زيادة ممكن يحط ربع-
كاس تمر منزوع النوا ومنقوع في نص كاس ماء دافئ
فنجان -بحجم فنجان القهوة- جوزالهند
مكسرات مطحونة -حسب الرغبة-
رشة فانيلا
ملعقة صغيرة قرفة مطحونة
2 ملاعقة bp
~~~~~~~~~~~~~~~
الطريقة: اخلطي البيض مع السكر واضيفي له الفانيلا ثم الزيت واستمري بالخفق , اضيفي الماء اللي نقعتي فيه التمر.واستمري بالخفق , اضيفي الطحين المنخول مع الــ bp وجوز الهند
اخــــر خطوة, اهرسي التمر بالشوكة حتى يصبح ناعم نوعا ما ثم ضعيه فوق الخليط وحركيه بالملعقة وصبي الكيكة في صينية مدهونة ومرشوشة بالدقيق وزيني الوجه بالمكسرات.
وصحة وعافية على قلوبكم :)
أمة*الرحمن @amalrhmn_2
محررة
يلزم عليك تسجيل الدخول أولًا لكتابة تعليق.
الصفحة الأخيرة
وتسلميييييييييييين يالغالية:26: