أروووووع تجربة فحياتي برغم صعوبتها وتعبها ( الولادة )

السلام عليكم خواتي

آآآآآآآآآآآه من زمااااان كنت اقول لنفسي متى ادخل هالقسم واكتب قصة ولادتي والحمدلله الحين بكتبها لكم

طبعن جيت عند الدكتور اللي اراجع عنده وكان اخر موعد لي وعلى قوله مطوفة اسبوعين طبعن سوى اشعة وقال كل شي سليم الحمدلله

وسوولي كشفية الرحم وقال مفتوح 1 سانتي على فكرة اللي كشفت دكتورة مو الدكتور وكان فيني طلوق خفييييفة مرررة

ووحدة من السسترات اللي فالغرفة هندة وشافتني يوم كانو يقيسون الطلق الخفيف ابتسمت لي وقالت انتي اليوم الفجر بتجين هنا وراحت طنشت كلامها ولا صدقتها

المهم عطاني الدكتور زيت خروع وقالي اشربي نصه مع عصير برتقال وقالي اذا ما ولدتي بكرة اتجينا بعد يومين لطلق صناعي وافقت ونفسيييييتي يا بنات كااااااانت زززززززززفت تحت الصفر لاني تعبت ولا ولد ومطوفة اسبوعين

المهم رديت البيت وانا معصبة وواااصلة حدة ومليت من كرشتي وودي اشوف اللي فبطني واحضنه :44:
رديت البيت وشربت زيت خروع مع عصير برتقال مرت ساعه مااحس بشي ساعتين هم بعد ماحسيت بشي اهني عصبت وقلت لزوجي قوم خلنا نتشمى بالسيارة ابي انسى شي اسمه ولادة وافق وطلعنا بالسيارة نتمشى ونسولف الا يوم بد الوجع خفييف انا فرحت وحسيت انه وجع ولادة وقلت لزوجي وطار من الفرحة خبلة على بالي هالوجع بس وبولد بسرعة

وردينا البيت وانسدحت عالسرير وزوجي يشوفله فيلم والا زاد الوجع وسكت ولا خبرت زوجي يعني وجع يحتمل نفس وجع الدورة بس اقل وبين 5 دقايق رحت خبرت ام زوجي مند دون مااخبر زوجي وقالت شكلها ولادة انزلي سيري فالحوش انا ضحكت من الفرحة قالت صبري بعدك مطولة انتي بكرية ونزلت فالحووش واسير واسير وبعده ياني اسهال ودخلت الحمام وانتو بكرامة وبعد الاسهال زاااااد مرررررة وقلت خلني بكمل مشي وامشي بشوووويش وكل شوي ام زوجي تطل علي الا ياتني ذيك الطلقة اللي صحت فيها بمووووووووووووووت خلاااااااص ودووووووووني ولا قدرت امشي وركض ام زوجي وخبرت زوجي وركض زوجي وجاب عبايتي ومن الخوف لبسني اياها بالغلط عطيته كف قلت مقلوووووبة وانا مستووووجعة وهو مسكين خايف علي وجات الشغالة وام زوجي يشلوني بشووويش لاني خلااص ماقدر امشي وزوجي راح شغل السيارة وركبت السيارة وطلقة ورى الثاانية وكل ما تروح طلقة استغفر واهلل واقول لزوجي وامه خلاص انا بموت والله بموت و زوجي يقول هانت هانت وام زوجي بكت يوم شافتني ووووالله يا بنات واللله الذي لا اله الا هو اني نسيت اني بجيب نونو من كثر ماني متألمة حطيت فبالي ان اذا انفتح الرحم 10 سانتي بيروح الوجع نسيت اني بجيب نونو :04:

ووصلنا المستشفى قالو بيجيبون لي كرسي قلت لا بمشي ودخلت قسم المخاض والحمدلله القسم فااااااضي وانسدحت بتكشف على بالي بتقول 10 قلتها كم مفتوح قال 2 انا هنا عصبت شوي بصيح :icon33:

الالم هاذا كله و2 وعصصصصبت مرة قلت بروح البيت قالت الدكتورة لا بتولدين فالبيت انتي طلقك مررررة حار بتولدين بسرعه قلت بلا لا بروح ومسوية فيه مستقوية ودخلت ام زوجي تقنعني ما طعتها وبعدين دخل زوجي واقنعني ورديت :39:

وعطتني لبس الولادة واسير بالقوة للحمام اعزكم الله والبس الللبس وارجع عالسرررير وطلقة ورى الثانية والله حسيييييييت يا بنات بالمووووت الم مقدر اوصه بكلمات وكل ما تروح الطلقة استغفر واهلل من شدة ما كان طلقي حار حتى ماشي بين الطلقة الاولى والثانية خمس دقايق دقيقتين او 3 دقايق دخلت عندهم الساعه 5 والسسترات تجمعو على الجهاز حق الطلق واسمعهم يتكلمون بالانقليزي يقولون مرة قوي ومفتوح 2 غريبة وبعد نص ساعه اكشفو قالو 3 وبعد ساعه 5

اتذكر من كثر الالم ناديت وحدة من الدكتورات وكانت سعودية قلتها الله يخليك اقري علي سورة الزلزلة وقرت علي ورااحت واناديها طنشتني الله يسامحها ومحد كان عندي مايسمحون لاي حد يكون عندي وناديت سستر اجنبيه ومسكت يدها وهي يحليلها تدلك يدي شكلها اشفقت علي :44:

واتذكرت الدعاء وقت الولاده مستجاب وادعي ودعي وبعدها جا دكتور وقال بكشف مع الطلق قلتت لا اذا راح الطلق اكشف والله يا بنات حتى مافيني حيل اقوله اطلع كشف وقال 6 انا هنا حسيت اني فيني اسهال وقلت بروح الحمام وشالوني السسترات ودخلت الحمام اعزكم الله والسسترات عند الباب واقففات ونزل الاسهال بعد جاني الدف وانا جالسة على المرحاض اكرمكم الله وشالوني اللسسترات على سريري ونزلت المويات وكانت حارة هنا حسيت ان الفرج قرب بس وين بعدني مطوووولة

وجا الدكتور وكشف قال مفتوح 8 يعني من يوم دخلت الحمام 6 وبعد ما طلعت 8 سبحانك من قوة الطلق انفتح الرحم بسرعة وقال ولادة وفرحت جلسوني عالكرسي وانا رايحة لغرفة الولادة طليت على قسم الولادة واتذكرت يوم كنت حامل واراجع هناك وكنت اقول متى بدخل قسم الولادة واخيرا دخلته ودخلت غرفة الولادة وانسدحت في سرير الولادة وجاني الدف وادف وادف والسسترات مطنشيني لانهم عارفيني بطول والدكتور مدري شيسوي المهم ان محد كان عندي من السسترات في نفس الغرفة بس بعيد وادف وادف سبحان الله يا بنات جسمك السفلي من عند ارجيلك اتحسينه يدفع بنفسه سبحااااان الله
وبعدها اتجمعو علي كلهم وحطو البخاخ حق البنج وقالولي اذا جات الطلقة دفي باقوى ما عندك وتجي الطلقة وادف ادف ادف وبعدين قال الدكتور وهو مصري مفيش راس فين الراس يمممممة انا هنا خفت

وقالي ادفعي بقوووة وقلت اوكي وتجي الطلقة الثانية وادف ادف ادف ماشي مبين والدكاترة مبين عليهم انهم خافو طبعن كان عندي دكتور واحد والباقي سسترات لان ولادتي صعبة

وبعديت جات الطلقة الثالثة وادف وادف قالو ايوى بين دفي اكثر انا من الفرحة انهم شافو الراس شهقت

فهمتو علي شهقت عشان اتنفس هنا رجع راس الجنين لداخل ومعترض بعد :44: لازم لازم تتعلمون كيفية التنفس في الولادة والدفع :35:

وبعدها خافو الدكاترة وجلسو يتشهدون اللي تهلل واللي تستغفر والدكتور يقرى سورة الكرسي وتجي الطلقة وادف وادف مشي مبين والله يا بنات حسييييت اني بموووت هنا حسيت اني فحلم من كثر التعب والدفع وراح الدكتور ونادى دكتور ثاني واحد من عند بطني ووالمصري من تحت ويتشهدون وتجي الطلقة والدكتور اللي من عند بطني يضغط بقوة والمصري يوسع اعزكم الله واد فوادف ماشي بين ييييمممممممممممممممممممة انا ارتعبت قلت فخاطري ياربي ارحمني وتشهد وهلل وجات طلقة وكلهم يقولون دفي دفي وانا ادف ادف والدكتورة السعودية اتقولي دفي ولا تشهقين بمعنى اتردين نفسك دفي دفي والدكنور جاب الشفاط وادف وادف وشفطه بالشفاط ومااشوف الا ولدي يوم نزل

تصدقون اول ما شفت عضوه الذكري قلت يمة كبير ههههههههههههههههه

والله يا بنات اول ما طلع صحت فالغرفة اللهم لك الحمـــــــــــــــــــــد اللهم لك الحمــــــــــــــــــد وسمعت صياحه وابتسمت

حتى الدكاترة فرحو يوم ولدت لانها تصعبت مرة مرة وفي موقف طريف بعد ما قام الدكتور طبعن هو كان جالس دق راسه في ليت من الليتات وانا قمت وصحت راس ولدي ههههههه

على بالي ان كان ماسك ولدي ودق راسه وضحك وقال راسي انا يابت ضحكت ورديت انسدحت قال مفيش سلامات قلت سلاماتسلامات

من الفرحة نسيت نفسي :hahaha:

وصحت عليهم هاتو ولدي وشفته وشالوه مني طبعن جاني نزيف خفيف بس حمدلله بس ساعتين وقف

نصيييييييييحة لا تخبرين حد اذا كان فبطنك ولد حتى زوجك ولا اتخبرين حد انك فالتاسع لان الكل ينتظر ولادتك وبعدين تتصعب وانا تصعبت من كذا كل من شافتني عادك ما ولدتي لين ماتصعبت

ونسيت ما اقولكم ابوي قبل اسبوع من ولادتي حلم ان الدكاترة كلهم متجمعين عند ضرسه ويعالجونه وكان يتحرك ضرسه بس ما طاح وبعد اسبوع ولدت ووفسروه على ان واحد من اهلك كان قريب من الموت وهو انا

تخيلو يا بنات كنت بموووووت لان الكل منتظر ولادتي وزوجي وامه كانو عارفين انه ولد عشان كذا الكل مستني لين ما تصعبت

بس برغم المها وصعوبتها الا انها اروووووووووووع تجربة فحياتي واتمنى اعيدها باقرب وقت

بس بريح نفسي كم سنة

ولدي عمره 3 شهور
ادعووووولي ان الله يفرج همي واذا كان زوجي خير لي يردني له وان كان شر لي يصرفني عنه وان يجعل ولدي من التقاة الصالحين