كيفكم ياأحلى بنات حواااااااء أنا والله من زمان بدي نزل مواضيع بس ماعم أعرف نزل الصور
المهم اليوم جوزي ساوالي ياهم الله يجزي الخير يعني اليوم لفضي:06:
هي القطايف بعصافيري بالسوري وأنا علمتني ياها الله يجزيها الخير خالة ريما
طيب حاجة حكي وخلينا نبلش:cook:
المقادير:
أول شي كاسة طحين
ثلالث أرباع كاسة سميد أبيض
ملعقة شاي سكر
ملعقة شاي بكيم بودر
كاسة حليب ونزود لحتى يصير الخليط مريق شوي يعني لامريق كتييييير ولا متماسك متل الكاتو
وانتبهو هي الخطوة كتير مهمة أول شي حطي كاسة وحدة حليب وشوي شوي زودي لتصير مريقة شوي
مرات بدها كاستين مرات كاسة ونص حسب
منخلطهم بالخلاط منيح
لتعرفيها أنها منيحة لازم يطلعلها فوقاعات
ومنحمي المقلاية ومنسكب يالكبجاية شوي بنص المقلاية
ماخلص الموضوع استنووووووووووو
أو عالهادي مشان مايحترقو
منجيب علبة جبنة ريكوتا طعمهااا روعة وأطيب من القشطة
منحطها على الطرف
ومنسكرها بإيدينا منكز على الأطراف منيح
بس نخلصهم كلهم منحط شوية زيت بالمقلاية ومنقليهم للقطايفات ومع القطر رووووووووووووووعة